Mateo 2:4 - O Debleskro Drom 2021 (Sinte)

⁴ Un o Herodes mukas i tsele bare rashajen un i biboldengre tchatchepangren khetne te well, un putchas lendar, kai ko baro rai boldo wella, kolestar o Dewel penas, te well job.

O Debleskro Lab 2024 (Sinte-Manouche)

⁴ Oun o Herodes moukas i tsele bare rashayen oun i biboldengre čačepangren khetne te vell, oun poučas lendar, kay ko baro ray boldo vella, kolestar o Devel penas, te vell yob.

Mateo 2:4 Referans Kwoze

Bičepangre 23:9

Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Bičepangre 6:12

Jon kran kol tsele menshen diwjo, ninna kol biboldengre phureden un tchatchepangren. Un jon wan ap leste pre, tapran les, un anan les glan i pralstune biboldende.

Mateo 21:23

Un har o Jesus an o Debleskro baro kheer was, ap i menshende rakras, un len o Debleskro drom sikras, koi wan i bare rashaja un i biboldengre phureder pash leste, un putchan lestar: “Koon penas tuke, te kress tu kowa lauter? Koon bitchras tut?”

Mateo 7:29

Job rakras bari sorjah, un gar jaake har lengre tchatchepangre rakran.

Bičepangre 4:5

O wawar diwes, taissarlake, wan i biboldengre pralstune un phureder un tchatchepangre an o foro Jerusalem khetne.

Johanni 18:3

Un o Judas djas kote. Leha wan kol lurde un kliste, kolen i bare rashaja un i Farisarja bitchran. Len his chare un kashta un hidjran momlia un jag.

Johanni 8:3

Koi wan i tchatchepangre un i Farisarja. Kolla anan i romedini romjat pash leste. Koja was tapedo koi pashel, har joi i wawar mursheha khetne his. Jon tchiwan lat mashkral i menshende, jaake, kai dikell lat nai hakeno.

Johanni 7:32

I Farisarja shunan, hoi kol menshe pral o Jesuseste rakran. Un i Farisarja un i bare rashaja bitchran klisten, te taprenn le o Jesuses.

Johanni 3:10

O Jesus putchas lestar: “Tu hal i sikepaskro an o them Israel un djineh kowa gar?

Louka 23:10

I bare rashaja un i biboldengre tchatchepangre his koi pashel tardo, un anan bud tchilatcho koowa ap o Jesuseste.

Louka 20:19

Un i biboldengre tchatchepangre un i bare rashaja haiwan, kai rakras o Jesus lendar. Un jon kaman te taprenn le les sik pal leskro rakepen, te tchiwenn le les an o stilepen. Jon trashan i menshendar. Doleske tapran le les gar.

Jeremia 8:8

Har nai penenn tumer: ‘Mer ham gosewo. Men hi o baro Debleskro lab pash mende.’ Chochepen hi kowa lauter, hoi kol sikepangre dran kowa krenna.

Markus 8:31

Un o Jesus penas peskre malenge: “O Mensheskro Tchawo hunte lell bud duka ap peste. Un i biboldengre phureder un tchatchepangre un i bare rashaja tchiwenn les ap i rig. Un job hunte well maredo. Un pal triin diwessa stell lo pale i mulendar pre.”

Mateo 27:1

Sik taissarlake wan i tsele bare rashaja un i biboldengre phureder khetne. Un khetne kran le win, te marenn le o Jesuses.

Mateo 26:47

Un har job jaake rakras, was o Judas, ko jek kol deesh-te-dujendar. Pash leste his bud wawar mursha. Len his chare un kashta an i wasta. Kolen bitchran i bare rashaja un i biboldengre phureder.

Mateo 26:3

Ap ko tsiro wan i bare rashaja un i biboldengre phureder khetne an o kheer o baro rashajestar. Koleskro lab his Kajafas.

Mateo 21:15

Un i bare rashaja un i biboldengre tchatchepangre dikan ko baro koowa, hoi o Jesus kote kras an o Debleskri soor. Un jon shunan, har i tchawe an o Debleskro baro kheer bari gole dan un penan: “Sharas o Davideskro tchawes!” Un jon wan chojedo ap o Jesuseste,

Mateo 13:52

“Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Nehemia 12:7

o Sallu, o Amok, o Hilkija, un o Jedaja. Kalla his i pralstune pral i rashaja un lengre phrala an ko tsiro, har o Jeshua djiwas.

Esra 10:5

Kote stas o Esra pre, un las i sowel i pralstune rashajendar un i Levitarendar un i tsele Israelendar, te krenn le pal kau lab. Un jon dan pen sowel.

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

2. Familjakro liil 36:14

Ninna i tsele pralstune an o them Juda un i rashaja un i menshe an o them kran pengri doosh gomme bareder pengro djipah: Jon djiwan pal ko djungelo koowa, hoi i menshe an i wawar themma kran, un kran o baro Debleskro kheer pale-tchiddo, ko kheer, hoi job wi-rodas, te djiwell lo kote an o foro Jerusalem.

2. Familjakro liil 34:15

Un o Hilkija penas ap o tchinepaskro, o Shafan: “Me hatsom i liil an o baro Debleskro kheer, kai menge o Debleskro drom siklo wella.” Un o Hilkija das ko liil o Shafaneste.

2. Familjakro liil 34:13

Wawar Levitarja his tardo pral i hidjepangre, un dan ninna jak ap i wawar budepangre. Mank i Levitarja his ninna sawe, kai tchinan i lila, wawar dan jak ap i budepangre, un wawar ap i wudja.

Mateo 2:3

Har o baro rai Herodes kowa shunas, trashas lo. Un ninna bud menshe an o foro Jerusalem trashan leha khetne.

Mateo 2:5

Un jon penan leske: “An o foro Betlehem an o them Judea. Jaake tchinas kowa o Debleskro rakepaskro: