Mateo 19:27 - O Debleskro Drom 2021 (Sinte)

²⁷ Koi penas o Petro ap leste: “Djineh, mer mukam lauter un djam tuha. Hoi lah mer?”

O Debleskro Lab 2024 (Sinte-Manouche)

²⁷ Koy penas o Petro ap leste: “Djineh, mer moukam lauter oun djam touha. Hoy lah mer?”

Mateo 19:27 Referans Kwoze

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Louka 5:11

Un jon anan kol bere ap o them, un mukan lauter tchiddo, un djan leha.

Louka 18:28

Koi penas o Petro: “Mer mukam lauter tchiddo un djam tuha.”

Louka 15:29

Un ko tchawo penas ap peskro dadeste: Tu djineh, kai me bud bersha tuke budrom, un krom lauter, hoi tu mange penal. Mange maral tu kek bakro, te chap les mire malentsa, un te wap bachtelo.

Markus 10:28

Koi penas o Petro ap o Jesuseste: “Djineh, mer mukam lauter, un djam tuha.”

Markus 2:14

Un har job jaake kote djas, dikas lo i murshes, kowa kharas Levi. Leskro dad hi o Alfeo. O Levi his pash ko kheer beshdo, kai las job lowe i Remarjenge dren. Penell o Jesus ap leste: “Am, dja mantsa!” Un job stas pre, un djas leha.

5. Mose 33:9

Jon rikran budeder ap tute har ap pengre dadende un dajende, pengre phralende un tchawende. Un dan jak ap tiro lab, un rikran pen ap koi sowel, hoi tu lentsa dren djal.

Louka 14:33

Doleske penau tumenge: Kek tumendar nai well miro maal, te dell job gar lauter pre, hoi les hi.”

Mateo 9:9

Pal kowa djas o Jesus dureder. Un job dikas i murshes pash i kheer beshdo. Kowa his i biboldo, kai las i biboldendar lowe i Remarjenge dren. Leskro lab hi Mateo. Un o Jesus penas ap leste: “Am, dja mantsa!” Un job stas pre un djas leha.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

1. Korintarja 1:29

Jaake sharell pes nai kek mensho glan o Debleste.

Mateo 19:26

Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.