Mateo 19:26 - O Debleskro Drom 2021 (Sinte)

²⁶ Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

O Debleskro Lab 2024 (Sinte-Manouche)

²⁶ Oun o Yezous dikas ap lende, oun penas: “Hoy i menshe nay gar krenna, nay krell o Devel halauter.”

Mateo 19:26 Referans Kwoze

Jeremia 32:27

Dik, me, o baro Dewel, hom o Dewel pral i tsele menshende. Dell tchomone ap i phub, hoi nai krau gar?

Louka 1:37

O Dewel nai krell halauter.”

Hiob 42:2

Me haiwom kanna, te nai kreh tu halauter. Un halauter, hoi kameh te krell, kowa kreh tu ninna.

Louka 18:27

Penas lo: “Kowa hoi i menshe nai krenn gar, kowa nai krell o Dewel.”

Markus 10:27

Koi dikas o Jesus ap lende un penas: “Kowa, hoi nashte krenn i menshe gar, kowa nai krell o Dewel. O Dewel nai krell halauter.”

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

1. Mose 18:14

Dell tchi, hoi o baro Dewel gar haiwella. Wawar bersh an kau tsiro, wau me pale pash tute. Koi hi lat i tchawo.”

Debleskri gili 62:11

Ma patsenn, te lenn brawlepen, te djan ap jekeste i sorjah pre! Ma patsenn, te krell tumen kowa brawelo, hoi tchoran! Ninna te wenn brawleder un brawleder, ma tchiwenn tumare djia pre!

4. Mose 11:23

O baro Dewel penas ap o Moseste: “Hi miro wast gar sorelo doha, te krap, hoi penom? Tu dikess kanna: Well kowa jaake, har me tuke penom? Well kowa jaake gar?”

Zakarie 8:6

O baro Dewel, ko rai pral o bolepen un i phub, penell: “Ninna te patsenn kolla i Israelendar, kai palle pral atchan: ‘Kowa nai well gar’, krau me, te well kowa jaake. Kowa penell o baro Dewel, ko rai pral o bolepen un i phub.”

Debleskri gili 3:8

Ste pre, baro Dewel, un le man win, mo Dewel! Hakenes, kai ap mande djal, deh tu ap i tcham. Awa, i tchilatchenge deh tu i danda paash.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

Mateo 19:25

Har leskre mala kowa shunan, tapras len i daar. Un jon putchan lestar: “Te hi kowa jaake, koon lell nai o Debleskro djipen?”

Mateo 19:27

Koi penas o Petro ap leste: “Djineh, mer mukam lauter un djam tuha. Hoi lah mer?”

1. Rajengro liil 17:16

Ko jarro an i piri djas gar win, un an o khoro his doha djet, jaake har o baro Dewel ap o Elija penas, un job i djuwjake penas.