Mateo 19:21 - O Debleskro Drom 2021 (Sinte)

²¹ Penas o Jesus ap leste: “Te kameh tu o tselo Debleskro kamlepen te krell, palle bike lauter, hoi tut hi! Un de kol lowe i tchorwelende! Palle hi tut i brawlepen an o bolepen. Un am un dja mantsa!”

O Debleskro Lab 2024 (Sinte-Manouche)

²¹ Penas o Yezous ap leste: “Te kameh tou o tselo Debleskro kamlepen te krell, palle bike lauter, hoy tout hi! Oun de kol love i čorvelende! Palle hi tout i bravlepen an o bolepen. Oun am oun dja mantsa!”

Mateo 19:21 Referans Kwoze

Markus 10:21

Un o Jesus dikas kamles ap leste un penas: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un dja mantsa!”

Louka 18:22

Har o Jesus kowa shunas, penas lo ap leste: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un am un dja mantsa!”

Louka 12:33

Bikrenn, hoi tumen hi! Denn kol lowe i tchorwelende! Palle hi kowa jaake, har te krenn tumen i lowengro gono, hoi gar paash djala! Jaake krenn tumenge i baro brawlepen, hoi nashrenn nai gar. Kowa hi an o bolepen, kai kek tchorepaskro tumaro koowa hatsella, un kek kirme les nai pre chan!

Louka 14:33

Doleske penau tumenge: Kek tumendar nai well miro maal, te dell job gar lauter pre, hoi les hi.”

Bičepangre 2:45

Jon bikran kowa, hoi len his, i kotar phub un wawar kutch koowa, un dan les kol patslende, kai len tchi his.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Louka 9:23

Un o Jesus penas ap lauterende: “Koon ap miro drom mantsa djala, kowa hunte bistrell, hoi leske kokres mishto hi, un lell peskro trushel hako diwes ap peste un djal mantsa.

Johanni 10:27

Mire bakre shunenn ap miro rakepen. Un me prindjrau len. Un jon djan mange palla.

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

Louka 16:9

Me penau tumenge: Tumare lowe atchenna gar. Denn len i tchorwelende, te wenn le tumare mala! Te hi kol lowe budeder tchi moldo, palle lenn le tumen kote an i khera dren, kai tumer hako tsiro nai atchenna.”

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Louka 6:40

Jek, kai djal an o sikepaskro kheer, djinell gar budeder har o sikepaskro. Job te djinell bud, palle hi lo jaake gosewo har peskro sikepaskro.

Louka 5:27

Koi pal djas o Jesus dran ko foro win. Un job dikas i murshes pash ko kheer beshdo, kai job i biboldendar lowe i Remarjengre rajenge dren las. Leskro lab hi Levi. Un o Jesus djas pash leste un penas: “Am, dja mantsa!”

Markus 8:34

Palle das o Jesus kol bud menshen pash peste gole, ninna peskre malen, un penas ap lende: Koon ap miro drom mantsa djala, kowa hunte bistrell, hoi leske kokres mishto hi, un lell peskro trushel ap peste, un djal mantsa.

Mateo 9:9

Pal kowa djas o Jesus dureder. Un job dikas i murshes pash i kheer beshdo. Kowa his i biboldo, kai las i biboldendar lowe i Remarjenge dren. Leskro lab hi Mateo. Un o Jesus penas ap leste: “Am, dja mantsa!” Un job stas pre un djas leha.

Hebrearja 10:34

Tumer rowan kolentsa, kai an o stilepen hi. Kolla, kai gar patslo his, lan tumendar kowa krik, hoi tumaro his. Un i bachtelo djijeha mukan tumer len kowa te krell. Tumer djinan, kai hi tumen i feteder brawlepen an o bolepen, hoi kek nai lell tumendar.

Markus 2:14

Un har job jaake kote djas, dikas lo i murshes, kowa kharas Levi. Leskro dad hi o Alfeo. O Levi his pash ko kheer beshdo, kai las job lowe i Remarjenge dren. Penell o Jesus ap leste: “Am, dja mantsa!” Un job stas pre, un djas leha.

Mateo 8:22

Penas o Jesus: “Muk i mule pengre mulen te paskrell! Dja tu mantsa!”

Mateo 4:19

Un job penas ap lende: “Awenn mantsa! Me krau tumendar menshen, kai anenn wawaren pash mande.”

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

Mateo 19:20

Koi penas ko terno mursh ap leste: “Kowa lauter krom. Hoi hunte krap budeder?”

Mateo 19:22

Ko terno murshes his bud brawlepen. Har job kal laba shunas, dukas kowa les. Un job djas peske.