Mateo 18:17 - O Debleskro Drom 2021 (Sinte)

¹⁷ Te shunell lo kau kopo witar gar ap tumende, palle pen les i patslenge an i kangri. Un te shunell lo gar ap kolende, palle well lo tumenge har i mursh, kai prindjrell o Debles gar un har i pale-tchiddo.

O Debleskro Lab 2024 (Sinte-Manouche)

¹⁷ Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

Mateo 18:17 Referans Kwoze

2. Tessalonikarja 3:6

Mire phrala, an o lab maro rajestar, o Jesus Kristestar, penah tumenge soreles: Rikrenn tumen kol phralendar krik, kai kamenn gar te budrell! Jon djiwenn gar jaake, har mer tumenge penam.

1. Korintarja 5:9

Glan i tsiro tchinom me tumenge i liil. Un an ko liil penom tumenge, te wenn tumer gar mala kol menshendar, kai krenn wi-ladjedo koowa.

Ezekiel 11:12

Un tumer dikenn un haiwenn, te hom me o baro Dewel. Tumer kran gar kowa, hoi tumendar kamom. Un rikran gar ap mire tchatchepaskre laba. Na-a, tumer djiwan pal i tchatchepangre laba kol menshendar, kai an i themma trul tumende djiwenna.

Esra 6:21

Un i Israelitarja, kai wan dran o pandepen pale, chan o Passa, un lentsa khetne ninna i tsele wawar menshe an kau them, kai mukan pengre menshen, kai wawar deblen an-mangenn. Un jon rikran pen kanna pash i Israelitarjen, te mangenn le kolengro Debles an. Kowa hi o baro Dewel.

1. Timoteo 6:5

Sawo tchingepen djal dureder un dureder. Kolla, kai krenn kowa, hi nasselo an o shero un haiwenn buder gar, hoi o tchatchepen hi. Jon patsenna, te nashte lenn le bud lowe khetne, te krenn le, hoi o Dewel kamella.

Louka 15:1

His i diwes, kai wan bud bibolde pash o Jesuseste, kai lenn i biboldendar lowe i Remarjenge dren, un bud wawar, kai tchilatcho koowa kran un doleske pale-tchidde hi. Jon lauter kaman te shunenn le les.

Mateo 11:19

Un me, o Mensheskro Tchawo, me wom, chom un pijom, un mandar penenn le: “Kowa hi i baro chapaskro un i pipaskro. Kowa hi i maal kolendar, kai lenn i biboldendar lowe i Remarjenge dren. Un kowa hi i maal kolendar, kai tchilatcho koowa kran un doleske pale-tchiddo hi.” Ninna te rakrenn le jaake, dikenn le ap o Debleskre menshende, kai kowa tchatcho hi, hoi o Dewel krella.

Louka 18:11

Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo.

Mateo 5:46

Tumer te wenn latches kolenge, kai kran latcho koowa ap tumende, patsenn tumer, kai o Dewel sharell tumen? Na-a! Ninna i chochene hi latches kolenge, kai ap lende latches hi.

Mateo 6:7

Tumer te rakrenn o Debleha, palle penenn leske gar bud laba, jaake har kolla krenna, kai prindjrenn o tchatcho Debles gar. Jon patsenna, te rakrenn le bud, palle shunell len lengro dewel.

Mateo 10:3

o Filipo, un o Bartolomeo, o Thomas un o Mateo, kai i biboldendar lowe i Remarjenge dren las, un o Jakobo, – koleskro dad his o Alfeo, un o Tadeo,

1. Korintarja 6:1

Te hi jekes tumendar i tchingepen i wawar patsleha un kamell peskro tchatchepen, har nai anell lo kowa glan i tchatchepangre, kai gar patslo hi? Hoske djal lo gar pash i patslende?

Josua 22:15

Un har wan le an o them Gilead, penan le ap lende: