Mateo 18:16 - O Debleskro Drom 2021 (Sinte)

¹⁶ Job te shunell gar ap tute, palle le dui wawar phralen tuha, un dja pash leste, te shunenn le, hoi tu leske peneh. Jaake djinenn dui, triin, hoi job kras.

O Debleskro Lab 2024 (Sinte-Manouche)

¹⁶ Yob te shounell gar ap toute, palle le douy vavar phralen touha, oun dja pash leste, te shounenn le, hoy tou leske peneh. Yaake djinenn douy, triin, hoy yob kras.

Mateo 18:16 Referans Kwoze

5. Mose 19:15

Te well i tchilatcho koowa glan i tchatchepangre anlo, hi gar doha, te dikas kokres jek mursh kowa. Na-a dui te triin hunte penenn, te dikan le koles koi pashel, har lo kau koowa kras. Palle nai denn le les i phagi.

2. Korintarja 13:1

Kowa hi o triinto kopo, kai wau pash tumende. Ma bistrenn, hoi tchinlo hi: Te kamell jek i doosh ap i wawareste pre te tchiwell, hunte wenn dui, triin koi pashel, kai penenn win, hoi jon djinenna.

1. Timoteo 5:19

Ma shun ap jekeste, kai anell i doosh ap i phureder pre, te hi gar dui, triin patsle koi, kai penenn kowa nai ninna, hoi job kras.

Johanni 8:17

Ninna an o Moseskre lila hi tchinlo: Te penenn dui pral jekeste win, jaake hi kowa tchatcho.

Hebrearja 10:28

An o phuro tsiro his jaake: Ko mensho hunte meras, kai djiwas gar jaake, har an o Moseskre lila tchinlo hi. Te dikan dui, triin menshe ko tchilatcho koowa, hoi ko mensho kras, hunte meras job. Un kekes hunte khaitas job.

5. Mose 17:6

Ap o rakepen dui, triin menshendar, kai kowa dikan, wenn le mulo dino. Ap o rakepen jekestar kokres, nai well kek mensho mulo dino.

4. Mose 35:30

Koon i menshes mulo das, koles hunte denn mulo, te hi menshe koi, kai dikan un penan kowa. Hi gar doha, te penell jek mensho kokres, hoi lo dikas, jaake te well ko wawar maredo.

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”