Mateo 18:15 - O Debleskro Drom 2021 (Sinte)

¹⁵ Te krell tiro phraal tchilatcho koowa ap tute, palle dja pash leste kokres, un pen leske, kai kowa gar mishto hi, hoi job kras. Un te dikell lo, kai kowa tchatcho hi, hoi tu leske penal, palle anal tu tiro phrales pale ap miro drom.

O Debleskro Lab 2024 (Sinte-Manouche)

¹⁵ Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Mateo 18:15 Referans Kwoze

3. Mose 19:17

Te choiral tut pral jekeste tire menshendar, ma hidje tiri choli tuha trujel. Pen leske, hoi lo gar mishto kras, te aness kek doosh ap tute.

Kolossarja 3:13

te choirell pes kek sik pral o wawareste. Un bistrenn ko tchilatcho koowa, hoi i wawar ap tumende kran! Jaake har o rai, o Jesus Kristo, tumari doosh bistras, hunte krenn tumer kowa ninna.

Galatarja 6:1

Mire phrala, nai well, kai krell jek tumendar i tchilatcho koowa. Anenn kol menshes pale ap o tchatcho drom! Rakrenn leha latches! Jaake sikrenn tumer, kai djiwenn jaake, har o Debleskro Ducho kowa kamella. Denn jak ap tumende, te perenn tumer gar ninna o Debleskro dromestar tele!

2. Tessalonikarja 3:15

Ma dikenn ap leste har ap jekeste, kai kras tumenge tchilatcho koowa. Na-a, job hi tumaro phraal. Penenn leske, hoi job gar mishto kras, te well lo pale ap o tchatcho drom!

Mateo 18:35

Un o Jesus penas dureder: Te bistrenn tumer gar o tselo djijestar o tchilatcho koowa, hoi i wawar phraal ap tumende kras, jaake krell miro dad an o bolepen emligo tumentsa.

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

Remarja 12:21

Ma muk o tchilatchepen o rai pral tute te well! Muk o latchepen sorleder te well har o tchilatchepen!

1. Petro 3:1

Tumer djuwja, ma hadenn tumen pral tumare romende, ninna te shunenn jon gar ap o Debleskro lab! Jaake dikenn jon, har tumer i djudjo djipen djiwenna, un ap o Debleste shunenna. Un tumaro djipen sikrell len o tchatcho drom pash o Debleste, ninna te krenn tumer kek bare laba.

1. Korintarja 8:12

Me penau tumenge: Tumer te krenn sawo tchilatcho koowa ap tumare phralende un krenn, te well len i djungelo dji, palle krenn tumer i tchilatcho koowa ap o Jesus Kristeste.

Gosewe laba 11:30

Kowa, hoi i latcho un tchatcho mensho krell, hi har i ruk, hoi o djipen dell. Ko mensho, kai gosewo hi, tserdell wawar menshen ap peskri rig.

2. Korintarja 7:12

Tchatchepah, har tchinom tumenge ko liil, krom kowa gar koleske, kai kras ko tchilatcho koowa. Witar gar tchinom ko liil koleske, ap koleste ko wawar o tchilatcho koowa kras. Na-a, me tchinom ko liil, te sikrenn tumer o Debleste, kai kamenn tumer lauter te krell, hoi me tumenge penom.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Mateo 18:14

Un jaake kamell miro dad an o bolepen gar, te djal jek kol tiknendar nashedo.

Mateo 18:21

Koi djas o Petro pash leste, un putchas lestar: “Rai, te hi miro phraal bud kope tchilatcho ap mande, kitse kope hunte bistrap ko tchilatcho koowa, hoi job ap mande kras? Hi efta kope doha?”

Tito 3:10

Te dell jek mensho, kai anell tchingepen mashkral i patslende, pen koleske, te mukell lo kowa! Job te mukell gar tele, pen kowa leske i duito kopo! Job te shunell gar ap tute, palle rake buder gar leha!