Mateo 17:6 - O Debleskro Drom 2021 (Sinte)

⁶ Un har jon kowa shunan, witsran le pen i bari darjatar ap i phub.

O Debleskro Lab 2024 (Sinte-Manouche)

⁶ Oun har yon kova shounan, vitsran le pen i bari daryatar ap i phoub.

Mateo 17:6 Referans Kwoze

2. Petro 1:18

Ko rakepen shunam mer dran o bolepen, har hams leha khetne ap koi Debleskri berga.

Bičepangre 26:14

Un mer lauter peram ap i phub. Un me shunom jekes, kai penas ap hebretikes ap mande: Saulo, Saulo, hoske leh tu man palla? Tiro kurepen hi tchitcheske. Me hom sorleder har tu.

Bičepangre 22:7

Me perom ap i phub, un shunom, har jek ap mande penas: Saulo, Saulo, hoske leh tu man palla?

Daniel 8:17

Un o Gabrijel was pash mande, kai me tardo homs. Un i daar tapras man jaake soreles, te perom ap i phub. Job penas ap mande: “Tu mensho, de jak un shun! Kowa hoi dikal, kowa hi ko tsireske, kai o tsiro kai phubjake tele nashell.”

Ezekiel 43:3

Un kowa, hoi me dikom an kai visiona his har kowa, hoi dikom, har homs pash o lengsto pani Kebar, un ninna har kowa, hoi dikom, har was o Dewel an o foro Jerusalem, te dell lo o foro paash. Un me mukom man ap i phub te perell glan leste.

Ezekiel 3:23

Un me krom man ap o drom un djom win an o telstuno them. Un kote dikom me pale o railepen o baro Deblestar, jaake har dikom les, har homs pash o pani Kebar. Un me mukom man ap i phub te perell.

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

Čačepangre 13:22

Un o Manoach penas ap peskri romni: “Kanna hunte meras! Mer dikam o Debles!”

Čačepangre 13:20

Un har i jag ap o bar pre djas an o bolepen, koi djas o baro Debleskro bolepaskro ninna pre an koi jag. Un o Manoach un leskri romni dikan kowa, un witsran pen ap i phub ap pengro mui.

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Mateo 17:7

Un o Jesus djas pash lende, tchiwas peskre wasta ap lende, un penas: “Stenn pre! Ma darenn!”