Mateo 17:5 - O Debleskro Drom 2021 (Sinte)

⁵ Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

O Debleskro Lab 2024 (Sinte-Manouche)

⁵ Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Mateo 17:5 Referans Kwoze

Mateo 3:17

Un i rakepen dran o bolepen penas: “Kawa hi miro tchawo, koles me kamau. Pral leste hom me bachtelo.”

Mateo 12:18

O Dewel penella: Dik, kowa hi miro budepaskro, kai me mange win rodom. Koles kamau o djijestar. Pral leste hom bachtelo. Me tchiwau miro Ducho ap leste. Un job penell i tsele menshenge, hoi me lendar kamau.

Markus 9:7

Koi was i wolka pral lende tele. Un jon shunan i rakepen dran i wolka: “Kawa hi miro tchawo, koles kamau o djijestar. Shunenn ap leste!”

5. Mose 18:15

I Debleskro rakepaskro, har me jek hom, jek, kai well tumendar, koles bitchrell tumaro baro Dewel pash tumende. Ap koleste shunenn!

Johanni 3:35

O dad kamell o tchawes, un das halauter an leskro wast.

Markus 1:11

Un i rakepen dran o bolepen penas: “Tu hal miro tchawo, koles me kamau. Pral tute hom bachtelo.”

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Louka 3:22

Un o Debleskro Ducho was har i parno tchirklo ap leste tele. Un i rakepen dran o bolepen penas: “Tu hal miro tchawo, koles me kamau. Pral tute hom bachtelo.”

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Hebrearja 5:9

Un job kras kowa lauter, un tchi atchas pral, hoi hunte krals lo gomme. Jaake nai lell lo lauteren, kai ap leste shunenna, hako tsireske dran o tchilatchepen un o merepen win.

5. Mose 18:19

Un ko mensho, kai gar ap mire laba shunell, hoi i rakepaskro an miro lab rakras, koleske dau me i phagi.

Bičepangre 7:37

Kowa his o Mose, kai ap lende penas: O Dewel bitchrell tumenge i Debleskro rakepaskres har me hom. Kowa hi jek tumare menshendar.

Johanni 5:37

Ninna miro dad, kai bitchras man, penas tumenge, koon me hom. Tumer shunan les gar, witar gar dikan les tumer.

Kolossarja 1:13

Job las men win dran i wasta kolestar, kai hi o rai pral o tamlepen un o tchilatchepen, te djiwas mer khetne peskro Tchaweha, koles job o djijestar kamella. Kowa hi maro rai,

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Jesaja 42:21

O baro Dewel hi o tchatchepaskro. Doleske his leske shukar, te sikrell lo, har baro un railo leskre tchatchepaskre laba hi.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

2. Mose 19:19

Un koi phurdepaskri das sorleder un sorleder gole. Un o Mose rakras o Debleha. Un o Dewel rakras pale ap leste jaake soreles, har o bolepen gole della.

Bičepangre 1:9

Har job kowa penas, was job glan lengre jaka an o bolepen hadedo, un i wolka las les pre.

Debleskri gili 81:7

Me lom tumendar ko pharo koowa tele, hoi ap tumare phika his, un tumare wasta hunte hidjrenn buder gar kol phare barra.

Hiob 38:1

Palle rakras o baro Dewel o Hiobeha dran i baro phurdepen win, un penas ap leste:

Mateo 17:6

Un har jon kowa shunan, witsran le pen i bari darjatar ap i phub.

Debleskro tsiro 14:14

Un me dikom i parni wolka. Koi pre his jek beshdo, hoi dikas win har i mensho. Koles his ap leskro shero i shereskro sonakai, un an leskro wast his les i bangi tchuri, hoi mishto tchinella.