Mateo 16:19 - O Debleskro Drom 2021 (Sinte)

¹⁹ Me dau tut i klidepaskro, hoi krell o wudar pre, te wenn i menshe ap miro drom. Ap koleste, kai tu peneh: O Dewel las tiri doosh tutar, kolestar hi li krik lino. Ap koleste, kai tu peneh: Tiri doosh atchell ap tute, ap koleste atchell leskri doosh tchiddo.”

O Debleskro Lab 2024 (Sinte-Manouche)

¹⁹ Me dau tout i klidepaskro, hoy krell o voudar pre, te venn i menshe ap miro drom. Ap koleste, kay tou peneh: O Devel las tiri doosh toutar, kolestar hi li krik lino. Ap koleste, kay tou peneh: Tiri doosh ačell ap toute, ap koleste ačell leskri doosh čiddo.”

Mateo 16:19 Referans Kwoze

Mateo 18:18

Tchatchepah, me penau tumenge: Ap koleste, kai tumer penenna: O Dewel las tiri doosh tutar, kolestar hi li krik lino. Ap koleste, kai tumer penenna: Tiri doosh atchell ap tute, ap koleste atchell leskri doosh tchiddo.

Jesaja 22:22

Un me dau les o klido o wudareske an o Davideskro kheer. Hoi krell job pre, nai pandell kek tele. Hoi pandell job tele, nai krell kek pre.

Debleskro tsiro 1:18

Me hom o djido. Un me homs mulo, un kanna hom djido un djiwau hako tsireske. Man hi i soor pral o merepen. Un man hi o klidepaskro an o mulengro them.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Johanni 20:23

Ap koneste tumer penenna: Tiri doosh hi krik lino, koleske well li krik lino. Un ap koneste tumer penenna: Tiri doosh atchell ap tute, ap koleste atchell li.”

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.

2. Korintarja 2:10

Te bistrenn tumer o tchilatchepen, hoi o wawar ap tumende kras, palle bistrau me kowa ninna. Awa, te dals tchomone, hoi hunte bistroms me, palle bistrom me kowa tumenge. Kowa djinell o Jesus Kristo.

Debleskro tsiro 9:1

Un o pantchto bolepaskro phurdas an peskri phurdepaskri. Un me dikom i bolepaskri momeli, hoi tele ap i phub peras. Un koja kras o telstunepen pre.

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.

Bičepangre 15:7

Har jon pen i rah tsiro tchingran, stas o Petro pre, un penas: “Mire phrala, tumer djinenna, kai o Dewel rodas man glan rah tsiro win, un kamas, te penap me o latcho lab o Jesus Kristestar kolenge, kai kek bibolde hi. Un kolla shunan un patsan.