Mateo 15:19 - O Debleskro Drom 2021 (Sinte)

¹⁹ Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

O Debleskro Lab 2024 (Sinte-Manouche)

¹⁹ Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Mateo 15:19 Referans Kwoze

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Bičepangre 8:22

Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Gosewe laba 6:14

An peskro dji hidjrell lo tchilatchepen, un hako tsiro anell lo tchingepen.

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Remarja 7:18

Me djinau, kek latchepen djiwella an mande – an miro mass. Me kamau o latchepen te krell, un man hi kek soor, te krap les.

Mateo 9:4

Un o Jesus haiwas, hoi an lengro shero trujel djas. Un job penas ap lende: “Hoske djal sawo tchilatchepen an tumaro shero trujel?

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Gosewe laba 24:9

Kowa, kai mukell pes tchi te penell, lell peske sawo koowa glan, hoi anell les o Debleskro dromestar tele. Un i menshe dikenn chojedes ap koleste, koles i pre-phurdo dji hi.

Gosewe laba 22:15

Tikne tchawe krenn dinelo koowa. Te chan le dawa, krenn le kowa buder gar.

4. Mose 22:29

O Bileam penas ap i burika: “Tu rikral man dineleske! Te wals man kanna i charo an o wast, doms tut mulo.”

Mateo 5:28

Me penau tumenge: Koon ap i wawareskri romjate dikella, te sowell lo lah, kowa chochras peskri romjat an peskro dji.

Mateo 15:20

Kowa lauter krell i menshes pale-tchiddo. Job te thowell gar peskre wasta glan o chapen, krell les kowa gar pale-tchiddo.