Mateo 14:27 - O Debleskro Drom 2021 (Sinte)

²⁷ Koi penas lo sik ap lende: “Ma darenn! Me hom. Lauter hi mishto!”

O Debleskro Lab 2024 (Sinte-Manouche)

²⁷ Koy penas lo sik ap lende: “Ma darenn! Me hom. Lauter hi mishto!”

Mateo 14:27 Referans Kwoze

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Bičepangre 23:11

An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 41:4

Koon hi kowa, kai kras kowa lauter? Koon dell i menshen gole un penell, hoi lentsa djala? Me hom kowa, o baro Dewel; glan hake tsirja homs koi, un hom gomme koi, te wenn i palstune diwessa.

Johanni 6:20

Job penas: “Me hom! Ma darenn!”

Mateo 17:7

Un o Jesus djas pash lende, tchiwas peskre wasta ap lende, un penas: “Stenn pre! Ma darenn!”

Mateo 9:2

Un jon anan i murshes pash leste. Kowa nashte nashell gar un his ap o tchiben tchiddo. Un har o Jesus kolengro patsepen dikas, penas lo ap ko mursheste: “Ma traash, miro tchawo! Me lau tiri doosh tutar.”

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Louka 1:30

Un o bolepaskro penas ap late: “Ma traash, Maria! O Dewel hi tuke latcho.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Mateo 28:10

Koi penas o Jesus ap lende: “Ma darenn! Djan pash mire phralende un penenn lenge, te djan le an o them Galilea! Un kote dikenn le man pale.”

Louka 2:10

Un o bolepaskro penas ap lende: “Ma darenn! I bari bacht well ap tumende, un ap i tsele menshende.

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Mateo 14:28

Penas o Petro ap leste: “Rai, tu te hal kowa, pen mange, te djap ap o pani pash tute!”

Mateo 28:5

Un o bolepaskro penas ap kol djuwjende: “Ma darenn! Me djinau, te rodenn tumer o Jesuses, kai ap o trushel dino was.

Louka 5:10

ninna ap o Jakobo un ap o Johanni, kolengro dad hi o Zebedeo. Kol dui budran o Simoneha khetne. Un o Jesus penas ap o Simoneste: “Ma traash! Me krau tutar jekes, kai anell menshen pash mande.”

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.