Mateo 13:37 - O Debleskro Drom 2021 (Sinte)

³⁷ Penas lo ap lende: Kowa, kai o latcho djob ap i kotar them win witsrella, kowa hom me, o Mensheskro Tchawo.

O Debleskro Lab 2024 (Sinte-Manouche)

³⁷ Penas lo ap lende: Kova, kay o lačo djob ap i kotar them vin vitsrella, kova hom me, o Mensheskro Čavo.

Mateo 13:37 Referans Kwoze

Bičepangre 1:8

Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Louka 10:16

Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”

Mateo 13:41

O Mensheskro Tchawo bitchrell peskre bolepangren ap i phub. Un jon lenn kolen glan leskre jaka krik, kai kran, hoi o Dewel gar kamella, ninna kolen, kai anan i wawaren ap o tchilatcho drom.

Remarja 15:18

Me kamau gar te rakrap pral wawar koowa har pral kowa, hoi kras o Jesus Kristo mank kolende, kai kek bibolde hi. Dran maro rakepen un mari budi anas o Jesus Kristo len pash peste, te shunenn le ap leste.

Johanni 20:21

Pale penas o Jesus ap lende: “O Debleskri bacht tumentsa! Har miro dad man bitchras, jaake bitchrau me tumen.”

Johanni 13:20

Tchatchepah, me penau tumenge: Koon jekes an peskro kheer lella, koles me bitchrom, kowa lell man an peskro kheer. Un koon man an peskro kheer lella, kowa lell koles an peskro kheer, kai bitchras man.”

Mateo 13:27

Un i budepangre djan pash o hacheste, un putchan lestar: Rai, tu witsral o latcho djob ap tiro kotar them. Kai was o djungelo senlepen?

Mateo 13:24

Un job penas lenge pale, har kote djal, kai dell o Dewel i menshen pash peste gole, te djan le ap leskro drom. Un job penas: I hacho witsras o latcho djob ap peskro kotar them, te well ko djob baro.

Mateo 10:40

Koon tumen an peskro kheer lella, lell man an peskro kheer. Un kowa, kai man an peskro kheer lella, kowa lell koles an peskro kheer, kai man bitchras.

Mateo 8:20

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

Mateo 13:4

Un i tikne kotja peran ap o drom, un i tchirkle chan len pre.

Jesaja 28:28

Well o djob jaake win dino, te djal lo paash? Na-a, kowa well i tikno tsiro dino. Un te ulerell o hacho peskre grajentsa koi pral, krell lo kowa gar jaake rah, te atchell tchi pral.