Mateo 13:13 - O Debleskro Drom 2021 (Sinte)

¹³ Doleske rakrau sawe laba ap lende, kai hi i khatedo tchatchepen dren. Kal menshe dikenn, hoi krau. Un jon krenna, har te dikans le les gar. Un jon shunenn, hoi penau, un haiwenn kowa gar.

O Debleskro Lab 2024 (Sinte-Manouche)

¹³ Doleske rakrau save laba ap lende, kay hi i khatedo čačepen dren. Kal menshe dikenn, hoy krau. Oun yon krenna, har te dikans le les gar. Oun yon shounenn, hoy penau, oun hayvenn kova gar.

Mateo 13:13 Referans Kwoze

Ezekiel 12:2

Tu, mensho, djiweh mank sawe menshende, kai mukenn pen tchi te penell. Kolen hi jaka, te dikenn le, un kamenn tchi te dikell. Un len hi kanda, te shunenn le, un kamenn gar te shunell. Jon mukenn pen tchi te penell.

Jeremia 5:21

Shunenn kai, tumer menshe, kai tumen tchi an o shero hi, kai len jaka hi, un dikenn tchi, kai len kanda hi un shunenn tchi!

Mateo 13:16

Bachtele han tumer, kai dikenna un shunenna, hoi me tumenge penau un sikrau.

Jesaja 44:18

Kolla, kai mangenn i figuren an, haiwenn tchi, kek goswepen hi an lende, lengre jaka hi pandlo, te nai dikenn le tchi. Un lengro dji haiwell tchi.

Remarja 11:8

Jaake hi tchinlo an o Debleskro lab: O Dewel bitchras i sopaskro ducho ap lende, kai kras len khino. Pengre jakentsa dikenn le les gar, un pengre kandentsa shunenn le les gar. Kowa hi jaake bis ap kau diwes.