Mateo 12:35 - O Debleskro Drom 2021 (Sinte)

³⁵ Dran i latcho mensheskro dji wella latcho koowa. Dran i tchilatcho dji wella tchilatcho koowa.

O Debleskro Lab 2024 (Sinte-Manouche)

³⁵ Dran i lačo mensheskro dji vella lačo koova. Dran i čilačo dji vella čilačo koova.

Mateo 12:35 Referans Kwoze

Kolossarja 4:6

Rakrenn lentsa kamles, un trashenn gar, te penenn o tchatchepen! Jek te putchell tumendar tchomone pral tumaro patsepen, palle rakrenn leha jaake, har kowa koleske mishto hi.

Gosewe laba 15:28

Koon an o tchatchepen tardo hi, rakrell peskro djijeha glan kowa job tchomone penell. Dran o mui o tchilatchestar wenn tchilatche laba win har diwjo pani.

Gosewe laba 15:4

I latcho lab, hoi i wawares soor dell, hi har o ruk, hoi djipen della. I midjak lab phagell leskro dji.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Mateo 12:34

Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Gosewe laba 15:23

Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

Gosewe laba 12:6

I tchilatchengre laba kamenn jekes an o merepen te anell. O rakepen kolendar, kai o tchatcho drom djan, lell len dran o merepen win.

Mateo 13:52

“Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Mateo 7:17

Jaake well latcho koowa dran i latcho ruk, un djungelo koowa dran i nasselo ruk.

Louka 6:45

Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

Hiob 8:10

Tire phure nai sikrenn tut, hoi le win hatsan, un hoi jon an pengro djipen dikan: