Mateo 12:19 - O Debleskro Drom 2021 (Sinte)

¹⁹ Job tchingrell pes gar, un dell gar bari gole. Un job krell kek baro rakepen ap o drom.

O Debleskro Lab 2024 (Sinte-Manouche)

¹⁹ Yob čingrell pes gar, oun dell gar bari gole. Oun yob krell kek baro rakepen ap o drom.

Mateo 12:19 Referans Kwoze

Mateo 11:29

Me hom tumenge i latcho rai, un dikau ap kekeste tele. Shunenn ap mande un krenn, hoi me tumenge penaua! Un tumaro dji well pale sorelo.

2. Korintarja 10:1

Me, o Paulo, rakrau tumentsa kamles un latches, jaake har o Jesus Kristo kamles un latches hi. Hi menshe mank tumende, kai penenna: “Me te hom pash tumende, nai rakrau kek triin laba. Te hom dur tumendar krik, palle rakrau sorele labentsa.”

Louka 17:20

Un i Farisarja putchan o Jesusestar: “Kaana well ko tsiro, kai dikah, kai o Dewel o rai hi pral i tseli phub?” Koi penas lo: “Ko tsiro well gar jaake, te nai dikenn kowa.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Jesaja 42:2

Job dell gar gole, un krell kek bare laba, un leskro rakepen well gar shunlo an i dromma.

Mateo 12:20

Job hi latcho ap koleste, kai hi les buder gar bud soor. Job phagell les gar har i kasht, kai hi an-phagedo. Ninna i momeli, hoi gomme i tikno kotar chatchella, krell lo gar win. Jaake hi lo, bis te hi peskro tchatchepen pral halauter tardo.