Mateo 12:17 - O Debleskro Drom 2021 (Sinte)

¹⁷ Un jaake was kowa tchatcho, hoi o Debleskro rakepaskro, o Jesaja, glan i rah tsiro penas:

O Debleskro Lab 2024 (Sinte-Manouche)

¹⁷ Oun yaake vas kova čačo, hoy o Debleskro rakepaskro, o Yesaya, glan i rah tsiro penas:

Mateo 12:17 Referans Kwoze

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Johanni 12:38

Jaake was kowa tchatcho, hoi o Jesaja, ko Debleskro rakepaskro, glan i rah tsiro penas: Rai, koon patsell men, hoi mer penah? Koon haiwella o Debleskri bari soor?

Mateo 21:4

Un kowa djas jaake, har o Dewel kowa glan i rah tsiro ap o Debleskro rakepaskro penas:

Mateo 13:35

Un jaake was kowa tchatcho, hoi o Debleskro rakepaskro glan i rah tsiro penas: O Dewel penas: Me rakrau ap lende sawe labentsa, kai i khatedo tchatchepen dren hi. Me penau lenge kowa, hoi kek mensho djinas, jaake rah har i phub tardo hi.

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!

Bičepangre 13:27

Kolla, kai djiwenn an o foro Jerusalem, un lengre pralstune haiwan gar, koon o Jesus hi. Jon haiwan witar gar kol laba, hoi o Debleskre rakepangre pral leste penan, ninna te wenn kal laba hako Debleskro diwes an i biboldengre kangria drawedo. Har jon o Jesuses ap o trushel dan, kran jon kowa, hoi o Debleskre rakepangre glan i rah tsiro penan.

Johanni 19:28

Pal kowa, har o Jesus djinas, kai job halauter kras, penas lo: “Man hi trush!” Kowa penas job, te well kowa tchatcho, hoi an o Debleskro lab glan-wi penlo was.

Johanni 10:35

Kolentsa, kai o Dewel rakras, ap kolende penas job debla. Un kowa, hoi an o Debleskro lab tchinlo hi, nai well gar krik lino.

Louka 24:44

Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Mateo 8:17

Jaake was kowa tchatches, hoi o Debleskro rakepaskro, o Jesaja, glan i rah tsiro penas: Job las mare duka, un maro nasslepen mendar.

Mateo 12:16

Un job penas soreles ap lende, te penenn le kowa kekeske.

Mateo 12:18

O Dewel penella: Dik, kowa hi miro budepaskro, kai me mange win rodom. Koles kamau o djijestar. Pral leste hom bachtelo. Me tchiwau miro Ducho ap leste. Un job penell i tsele menshenge, hoi me lendar kamau.