Mateo 11:28 - O Debleskro Drom 2021 (Sinte)

²⁸ Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

O Debleskro Lab 2024 (Sinte-Manouche)

²⁸ T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Mateo 11:28 Referans Kwoze

Mateo 11:29

Me hom tumenge i latcho rai, un dikau ap kekeste tele. Shunenn ap mande un krenn, hoi me tumenge penaua! Un tumaro dji well pale sorelo.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

Johanni 6:37

Halauter kolla, kai dell man o dad, wenn pash mande. Un halauter kolla, kai wenn pash mande, kolen witsrau me gar win.

Galatarja 5:1

O Jesus Kristo las men win dran hako koowa, ap kowa pandlo hams. Atchenn soreles un mukenn tumen buder gar te pandell!

Debleskro tsiro 22:17

O Debleskro Ducho un o terno bakreskri pirni penenna: “Ab!” Un koon kowa shunell, penella: “Ab!” Un kones trush hi, kowa wella! Koon kamell, kowa lell tchitcheske o pani, hoi o djipen dell.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Debleskri gili 116:7

Me penau ap miro dji: “Ma dare buder! O baro Dewel his latcho ap tute.”

Jesaja 28:12

Kowa rakras job, kai glan rah tsiro ap lende penas: “Kate hi o them, kai nai lenn newi soor. Mukenn kolen pen tele te tchiwell, kai jaake tele maredo wan. Kate nai tchiwenn le pen tele.” Jon kaman gar te shunell.

Mateo 23:4

Un jon krenn i menshenge o djipen pharo. Ko tselo koowa, hoi kolla hunte rikrenn, hi har i pharo gono ap lengri phik. I tchatchepangre un i Farisarja kokres rikrenn pen gar ap kowa.

Hebrearja 4:1

Dran kowa denn mishto garda, te dell kek tumendar peskro patsepen pre! An o phuro tsiro penas o Dewel peskre menshenge, te dell lo len i them, kai jon hako tsiro khere hi. Kau lab, hoi o Dewel lenge penas, atchell menge ninna. An o phuro tsiro shunan le les, un patsan les gar. Jaake wan le gar an o Debleskro them.

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Debleskri gili 38:4

Ap miro mass hi buder tchi sasto dran tiri choli. Ninna mire kokale dukrenna. Dran miri doosh was kowa ap mande.

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Debleskri gili 94:13

Jaake rikreh les pale te djal lo an peskri bibacht, bis te well o tchilatcheske i phub win hadedo, te perell lo dren.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Sikepaskro 1:8

Khines krell man halauter, hoi i menshe rakrenna, un kek nai hatsell i tchatche laba. O jak nai dikell pes gar tchales, un o kand nai shunell pes gar tchales.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Bičepangre 15:10

Kamenn tumer, te well o Dewel chojedo ap tumende? Ma tchiwenn pharo koowa ap lende, kai nai hidjran mare phure gar, un mer witar gar!

Hiob 5:7

Dran o mensheste kokres well i bibacht, jaake har dran i jag tikne chatchede kotja pre phurdedo wenn.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

Sikepaskro 1:14

Me dikom halauter, hoi kerdo was ap kai phub, un nai penau tumenge, halauter hi tchitcheske, un jaake har te nashals jek pal o ducho, hoi djal pral i phub.

Jesaja 1:4

Tumenge djal djungelo, tumer tchilatche menshe, kai anan jaake bud doosh ap tumende! Tumer han bede, tchawe, kai molenn tchi! Tumer mukan o baro Debles, kamenn tchi buder te djinell o Israeleskro Deblestar, kai kokres o Dewel hi, un sikran leske tumaro dumo.

Hiob 14:1

O mensho, boldo i djuwjatar, djiwell i tikno tsiro, un marell pes tele peskro tselo djipen.

Jeremia 31:25

Kolen, kai khino hi, dau me pale soor, un kolen kai bokenna, dau doha te chal.”

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Jeremia 35:16

Kolla, kai wenn pal o Jonadab, jon rikran dren, hoi lengro phuro dad lenge penas. Tumer, i menshe dran Juda, shunenn gar ap mande!