Mateo 11:21 - O Debleskro Drom 2021 (Sinte)

²¹ Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

O Debleskro Lab 2024 (Sinte-Manouche)

²¹ Oun yob penas: Bibarhtelo venna t'mer menshe an o foro Korazin! Bibarhtelo venna t'mer menshe an o foro Betsayda! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun čivans yagakri čik ap pengre shere, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Mateo 11:21 Referans Kwoze

Bičepangre 12:20

O Herodes was chojemen ap i menshende an i forja Tirus un Sidon. Kolla lan pengro chapen dran o Herodeskro them. Doleske bitchran le khetne murshen pash leste, te well lo pale latcho lenge. Kolla rakran koleha, kai das jak ap o Herodeskro kheer, leskro lab his Blasto, un penan leske, te kamenn le buder kek tchingepen, un mangan lestar, te penell job kowa o Herodeske.

Johanni 12:21

Kolla wan pash o Filipo, kai dran o gab Betsaida an o them Galilea his. Un penan ap leste: “Rai, mer kamah o Jesuses te dikell.”

Louka 9:10

Un kol deesh-te-dui bitchepangre wan pale, un penan o Jesuseske, hoi jon lauter kran. Un o Jesus las len peha, te well lo lentsa kokres, un djas lentsa pash ko foro Betsaida.

Markus 6:45

Un sik pral kowa tradas o Jesus peskre malen, te djan le an o bero, te ulerenn le glan leste wergel ap i wawar rig pash o foro Betsaida. Job atchas pash i menshende, te bitchrell lo len khere.

Mateo 15:21

Un o Jesus djas peske, un was an o them, kai i forja Tirus un Sidon tchiddo hi.

Hiob 42:6

Doleske lau pale, hoi rakrom un hom beshdo an i tchik un an i jagakri tchik, te sikrap, kai khaitell man kowa, hoi rakrom.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

Johanni 1:44

O Filipo his dran o foro Betsaida. Ninna o Andreas un o Petro his dran ko foro.

Louka 6:17

Pal kowa djas o Jesus lentsa i berga tele. Un jon wan ap i buchlo kotar them. Koi his bud kolendar khetne, kai leske palla djan, un ap leste shunan. Ninna bud wawar menshe his kote. Un kolla wan dran o tselo them Judea un dran o foro Jerusalem, ninna dran o them, kai i forja Tirus un Sidon tchiddo hi.

Markus 8:22

O Jesus un peskre mala wan an o gab Betsaida. Koi anan le i murshes pash leste, kai dikas nai gar. Un jon mangan o Jesusestar, te tchiwell lo peskro wast ap leste.

Markus 7:31

Un o Jesus djas win dran o them pash o foro Tirus, un djas an o them pash o foro Sidon, un dureder pash o baro pani an o them Galilea. Un job was mashkral an ko them, kai hi kol deesh forja tchiddo.

Mateo 18:7

I bibacht hi kowa, kai della ap kai phub bud koowa, hoi anell i menshen ap o tchilatcho drom. Hawo bibacht well ap koleste, kai anell i wawaren ap o tchilatcho drom!

Mateo 11:22

Ap ko diwes, kai rakrell o Dewel o tchatchepen win pral i tsele menshende ap i phub, djal kol menshenge an i forja Sidon un Tirus feteder har tumenge kate.

Bičepangre 27:3

O wawar diwes wam an o foro Sidon. O Julio his kamlo ap o Pauleste, un mukas les pash peskre malende te djal, te wenn kolla leske koi.

Louka 4:26

Pash kol djuwjende was o Elija gar bitchedo. Job was bitchedo pash jek djuwjate an o foro Sarepta, an o them Sidon, kolakro rom mulo hi.

Markus 7:24

Un o Jesus stas pre un djas dureder, un was an ko them pash o foro Tirus. Kote djas lo an i kheer. Un job kamas, te djinell kek, kai job hi. Un ninna kote nai atchas lo gar khatedo.

Mateo 26:24

O Mensheskro Tchawo hunte merella, jaake har hi lestar tchinlo an o Debleskro lab. Hawi bibacht well ap koleste, kai ap leste phukrella! Koleske wals feteder, te wals lo gar boldo.”

Jeremia 13:27

Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?

Joel 3:4

Glan te well o diwes o baro Deblestar, ko baro diwes, hoi daar un traash anell, well o kham kalo, un o tchon lolo har rat.

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”