Mateo 10:25 - O Debleskro Drom 2021 (Sinte)

²⁵ Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

O Debleskro Lab 2024 (Sinte-Manouche)

²⁵ Yek, kay djal an o sikepaskro kheer, koleske hi doha, te djinell lo yaake boud har peskro sikepaskro. Oun i boudepaskro, koleske hi doha, te hayvell lo yaake boud har peskro ray. Oun te penenn le ap o rayeste pral o kheer: Beng! palle kharenn le ninna kolen yaake, kay an leskro kheer djivenna. Doleske ma darenn lendar!

Mateo 10:25 Referans Kwoze

Louka 11:15

Mashkral lende his sawe, kai penan: “O pralstuno beng das les koi soor. Doleske nai tradell job kol bengen win.”

Mateo 12:24

Har i Farisarja kowa shunan, penan le: “O pralstuno beng das les i soor. Dran kowa nai tradell job i bengen win.”

Mateo 9:34

I Farisarja penan: “O pralstuno beng das les koi soor. Doleske nai tradell job kol bengen win.”

Johanni 7:20

“An tute hi i beng”, penan kol tsele menshe. “Koon kamell tut te marell?”

Markus 3:22

Un i biboldengre tchatchepangre, kai wan dran o foro Jerusalem tele, penan: “O pralstuno beng hi an leste!” Un jon penan ninna: “O pralstuno beng das les i soor, te nai tradell job i bengen win.”

Johanni 8:48

“Hi maro gar tchatcho?” penan kol bibolde. “Tu hal i Samaritari un an tute hi o beng, jaake har mer les penam.”

Johanni 10:20

Bud lendar penan: “I beng hi an leste un job hi dinelo. Ma shunenn ap leste!”

Johanni 8:52

Koi penan jon: “Kanna djinah mer, kai hi an tute i beng. O Abraham meras, un o Debleskre rakepangre meran ninna. Un tu peneh: Te krell jek, hoi me kamau, kowa merell buder gar.

2. Rajengro liil 1:2

Ko baro rai, kai pal o Ahab was, his o Ahasja. His i diwes, har his lo an peskri pralstuni isema an o foro Samaria, koi peras lo tele dran i wochni un dukras pes. Un job bitchras murshen an o foro Ekron un penas ap lende: “Djan koi un putchenn o deblestar Baal-Sebub, – kowa hi o dewel o forestar Ekron: Wau me pale sasto?”

Mateo 12:27

Te dals o pralstuno beng mande peskri soor, te nai tradoms i bengen win, koon dals tumare menshen i soor, te tradenn le i bengen win? Well jek diwes, kai jon penenn tumenge, kai kowa gar tchatcho hi, hoi tumer pral mande rakran.

Louka 11:18

Te tradell o beng i wawar benges win, djal leskri soor paash. Tumer penan mange, kai me tradau i bengen dran o bengeskri soor win.

Louka 11:19

Putchau tumendar: Me te tradau i bengen dran o bengeskri soor win, har nai tradenn tumare menshe len win? Well i diwes, kai jon penenn tumenge, kai kowa gar tchatcho hi, hoi tumer pral mande rakran.

Markus 10:39

Penan le: “Awa, kowa nai krah mer.” Penas o Jesus ap lende: “Tumer hunte lenna bud duka ap tumende, jaake har me hunte lap len ap mande. Un tumer hunte djan an o merepen, jaake har me hunte djap.