Mateo 10:23 - O Debleskro Drom 2021 (Sinte)

²³ Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

O Debleskro Lab 2024 (Sinte-Manouche)

²³ Te lenn le t'men an yek foro palla, palle nashenn an i vavar foro! Čačepah, me penau t'menge, t'mer venna gar an hako foro an o them Israel yaake rah har o Mensheskro Čavo gar pale vas.

Mateo 10:23 Referans Kwoze

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Bičepangre 17:10

An koi rat bitchran kol patsle o Paules un o Silases an o foro Berea. Har jon koi wan, djan jon an i biboldengri kangri.

Bičepangre 8:1

His mishto an o Sauleskre jaka, te maran le les. Pal ko diwes lan le i patslen soreles palla an o foro Jerusalem. Un i patsle nashan an o them Judea un an o them Samaria. I Jesuseskre bitchepangre atchan an o foro Jerusalem.

Markus 13:26

Palle dikenn le o Menshengro Tchawes, har well lo an i wolke bari sorjah un railepen.

Louka 21:27

Un palle dikenn i tsele menshe o Menshengro Tchawes, har well lo ap i wolka bari sorjah un railepen.

Louka 18:8

Na-a, penau me tumenge: Jon lenn sik pengro tchatchepen. Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?”

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Mateo 26:64

Penas o Jesus: “Awa, hi jaake, har tu penal. Un kanna penau tumenge: Ko tsiro well sik, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo ap i wolke dran o bolepen.”

Mateo 24:30

Palle dikenn le o Menshengro Tchawes, har job dran o bolepen wella. An hake themma dikenn le les, har job wella ap i wolke bari sorjah un railepen. Un jon rowenna un penenna: Patsams mer ap leste!

Bičepangre 17:14

Koi bitchran kol patsle o Paules sik dureder pash o baro pani. O Silas un o Timoteo atchan an o foro Berea.

Mateo 25:13

Doleske penau me tumenge: Rikrenn tumare jaka pre! Tumer djinenn gar ko diwes, kai o rai pale wella!

Mateo 24:48

Job te hi i tchilatcho budepaskro un penell ap peste: Miro rai well gar jaake sik pale,

Mateo 24:27

Ap ko diwes, kai o Mensheskro Tchawo pale wella, dikenn les i tsele menshe, jaake har i Debleskri jag ap o bolepen diklo well, hoi djal jek rigjatar ap i wawar rig an o bolepen.

Mateo 23:34

Shunenn, bitchrau pash tumende mire rakepangren, mire gosewe murshen, un mire tchatchepangren. Kolen denn tumer ap o trushel, marenn len, un denn len dawa an tumare kangria. Un tumer lenn len palla an hako foro.

Mateo 4:12

Un har o Jesus shunas, te was o Johanni stildo, djas lo dran o them Judea win, un djas pale an o them Galilea.

Mateo 2:13

Un har jon penge djan, was o Debleskro bolepaskro pash o Josefeste an i suni, un penas ap leste: “Ste pre! Le o ternepas un leskri dat, un naash an o them Egiptia! O Herodes mukell o ternepas te rodell, te marell lo les. Atch koi, bis te penau me les tuke, te wess pale!”

Bičepangre 20:1

Har i menshe buder gar diwjo his, das o Paulo i patslen pash peste gole, un das len soor an lengro patsepen. Palle penas lo lenge: “Atchenn o Debleha!” un djas peske, te djal lo an o them Macedonia.

Jeremia 26:21

Har shunas o baro rai Jojakim un leskre lurde un pralstune, hoi o Uria rakras, kamas o baro rai les te marell mukell. Un o Uria shunas kowa, daras un nashas peske un was an o them Egiptia.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 23:36

Tchatchepah, me penau tumenge: Kalla menshe, kai kanna djiwenna, kolla lenna i tseli phagi.

Mateo 24:34

Tchatchepah, me penau tumenge: Kol menshe, kai an ko tsiro djiwenna, dikenna kowa lauter pengre jakentsa.