Mateo 1:21 - O Debleskro Drom 2021 (Sinte)

²¹ Un joi lella i tchawes. Tu deh les o lab Jesus. Job lella i doosh peskre menshendar ap peste.

O Debleskro Lab 2024 (Sinte-Manouche)

²¹ Oun yoy lella i čaves. Tou deh les o lab Yezous. Yob lella i doosh peskre menshendar ap peste.

Mateo 1:21 Referans Kwoze

Bičepangre 13:23

Dran o Davideskre menshende mukas o Dewel o Jesuses te well, har job kowa glan i rah tsiro penas. O Jesus hi kowa, kai lell mare menshen dran o tchilatchepen un o merepen win.

Bičepangre 4:12

Kek wawar har o Jesus kokres nai anell men pash o Debleste. Ap i tseli phub das o Dewel kek wawares, kai nai lell men dran o tchilatchepen un o merepen win.”

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

1. Johanni 3:5

Tumer djinenna, kai o Jesus Kristo was, te lell lo ko tchilatcho koowa krik, hoi kram. Tumer djinenn ninna, kai an leste kek tchilatchepen hi.

Louka 2:21

Har ochta diwessa trujel his, un o ternepen ap o mass tchinlo was, dan le les o lab Jesus. Kau lab penas o bolepaskro i Mariake, har joi gomme gar an wawar koowa his.

Bičepangre 5:31

Koles hadas o Dewel un beshas les ap peskri tchatchi rig, te well lo rai un lell i menshen dran o tchilatchepen un o merepen win. Kowa kras o Dewel, te mukenn i menshe an o them Israel pengro phuro djipen, jaake te nai lell lo lengri doosh lendar krik.

Louka 1:31

Shun, tu weh an wawar koowa, un leh i tchawes. Koles dess tu o lab Jesus.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Louka 2:11

Kau diwes was tumenge an o foro Betlehem kowa boldo, kai lell tumen dran o tchilatchepen win. Job hi ko baro rai, kolestar o Dewel penas, te well job.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Bičepangre 3:26

Doleske bitchras o Dewel peskro budepaskres, o Jesuses, glanstunes pash tumende, te anell job tumenge o Debleskri bacht, te djal hakeno tumendar peskro tchilatcho dromestar tele.”

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

1. Mose 18:10

Koi penas jek kol trinendar ap leste: “Tchatchepah, wawar bersh an kau tsiro wau me pale pash tute. Koi hi tiri romjat, i Sara, i tchawo.” Un i Sara his tardo pal leste, pal o wudar ko plachteno kherestar, un shunas lengro rakepen.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

1. Mose 17:19

“Na-a”, penas o Dewel, “tiri romni, i Sara, anell tuke i tchawes ap i phub. Koles dess tu o lab Isaak. Koleske un leskre tchawenge atchell kowa, hoi me tuha win krom hako tsireske.

1. Mose 17:21

Kokres ko koowa, hoi me tuha win krom, te wap tumaro Dewel un te wenn tumer mire menshe, kowa djal dureder ap o Isaak. Koles leh tu tiri romjatar Sara ko wawar bersh an kau tsiro.”

Čačepangre 13:3

Un o bolepaskro o baro Deblestar mukas pes latar te dikell un penas ap late: “Tu djineh, te nai leh kek tchawen. Kanna djiness, tu weh wawartchandes un leh i mursh tchawes.

1. Samuel 1:20

te was li wawartchandes. Un har lakro tsiro was, las li i mursh tchawes, un das les o lab Samuel. Joi penas: “O baro Deblestar mangom les mange.”

Mateo 1:25

Jaake rah, har ko ternepen gar boldo was, tchiwas lo pes gar pash late. Un har o tchawo boldo was, das job les o lab Jesus.

Johanni 4:42

Jon penan koi djuwjake: “Kanna patsah mer ap leste, un gar kokres, hoi tu menge lestar penal. Mer shunam les, un djinah kanna, kai job kowa hi, kai lell i menshen dran o tchilatchepen un o merepen win.”