Louka 8:42 - O Debleskro Drom 2021 (Sinte)

⁴² Leskri tchai, kai his deesh-te-dui bersha phuro, his ap o merepen tchiddo. Un les his kek wawar tchawe har koja. Un o Jesus kamas leha te djal. Un bud menshe his trul leste un djan lentsa.

O Debleskro Lab 2024 (Sinte-Manouche)

⁴² Leskri čay, kay his deesh-te-douy bersha phouro, his ap o merepen čiddo. Oun les his kek vavar čave har koya. Oun o Yezous kamas leha te djal. Oun boud menshe his troul leste oun djan lentsa.

Louka 8:42 Referans Kwoze

Louka 8:45

“Koon tapras ap miro ripen?” putchas o Jesus. Un hakeno das buchoste. Penas o Petro leske: “Rai, bud menshe hi trul tute, un taprenn tut an.”

Louka 7:12

Un jon wan pash o baro wudar kau forestar. Un i menshe hidjran i mules dran o foro win. Kowa his o tchawo i djuwjatar, kolakro rom meras. Un lat his ninna kek wawar tchawe. Un bud menshe djan lah.

Remarja 5:12

Hi jaake: O tchilatchepen was ap i phub, har jek mensho, o Adam, tchomone kras, hoi o Dewel gar kamas. O tchilatchepen anas o merepen ap i phub. Jaake was o merepen pash i tsele menshende. Lauter kran o tchilatchepen, un lauter hunte merenn.

Markus 5:24

Un job djas leha. Un bud menshe djan leske palla un his trul leste.

Ezekiel 24:25

Un tu mensho, djiness, me krau ko sorelo kheer paash, kolestar jon patsenn, te well i menshenge kote kek tchilatchepen, ko railo kheer, pral koleste jon jaake bachtelo hi. Un hoi jon budeder kamenna har halauter, pal koleste lengre djia nashenn, lengre mursh tchawen un lengre tchen, lau lendar krik.

Ezekiel 24:16

Tu, mensho, djiness, ap jek kopo lau tuke ko menshes, kai tuke o kamleder hi. Tu kress kek gole un rowess gar! Kek swa wenn dran tire jaka.

Sikepaskro 6:12

Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

Hiob 4:20

An i tsalla djal lenge mishto, un rati merenn le, un hi buder gar koi. Un kek dell jak pre.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Louka 8:41

Koi was i mursh pash o Jesuseste. Leskro lab his Jairo. Job his i pralstuno an i biboldengri kangri. Kowa witsras pes glan o Jesuseste tele, un mangas les, te well lo an leskro kheer.

Louka 8:43

Koi pashel his i djuwel. Kolat hi deesh-te-dui bersha i ratlo nasslepen. Koja das lauter, hoi lat his djipaske, i dramangren, un kek nai kras lat sasto.