Louka 8:1 - O Debleskro Drom 2021 (Sinte)

¹ Un o Jesus djas an i forja un gaba trujel, te penell lo i menshenge o latcho lab, kai o Dewel kamell len dran o tchilatchepen win te lell, un kamell lengro rai te well. Leskre deesh-te-dui mala djan leha.

O Debleskro Lab 2024 (Sinte-Manouche)

¹ Oun o Yezous djas an i forya oun gaba trouyel, te penell lo i menshenge o lačo lab, kay o Devel kamell len dran o čilačepen vin te lell, oun kamell lengro ray te vell. Leskre deesh-te-douy mala djan leha.

Louka 8:1 Referans Kwoze

Mateo 4:23

Un job djas an o tselo them Galilea trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai mank lende nasselo hi.

Remarja 10:15

Te well kek bitchedo pash lende, nai penell lenge kek o Jesus Kristestar. O Debleskro lab penella: Har bachtelo ham pral kolende, kai wenn pash mende un penenn menge o latcho lab!

Bičepangre 13:32

Un mer penah tumenge: Ko lab, hoi o Dewel mare phurenge penas, was kanna tchatcho, an kau tsiro, kai mer, lengre tchawe, djiwah. O Dewel kras o Jesuses i mulendar djido. An i duiti Debleskri gili hi tchinlo: Tu hal miro tchawo. Kau diwes wom tiro dad.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Markus 1:39

Un job djas an o tselo them Galilea trujel, un rakras an i biboldengre kangria, un tradas i bengen dran i menshende win.

Mateo 13:19

Ko djob, hoi peras ap o drom, sikrell tumende jekes, kai shunas ko lab, te dell les o Dewel pash peste gole. Un job haiwas ko lab gar. Un o beng was, un las ko lab dran leskro dji win.

Mateo 11:1

Un har o Jesus peskre deesh-te-dui malenge penas, hoi hunte krenn le, djas lo dureder an i wawar biboldengre forja, te sikrell lo kote i menshende o Debleskro drom.

Mateo 9:35

Un o Jesus djas an i forja un gaba trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai nasselo hi.

Louka 1:80

O Johanni was baro, un haiwas hako diwes feteder, hoi o Dewel kamella. Un job djiwas an o mulo them jaake rah, bis te was ko diwes, kai job glan i menshende an Israel rakras.

Louka 9:6

Un o Jesuseskre deesh-te-dui mala kran pen ap o drom, un djan an jek gab pal o wawar, penan i menshenge o Debleskro lab, un kran i nasselen sasto kote, kai jon ninna djan.

Louka 20:1

His i diwes, kai penas o Jesus i menshenge o Debleskro lab an o Debleskro baro kheer. Un i bare rashaja un i biboldengre tchatchepangre un phureder wan pash leste,