Louka 7:13 - O Debleskro Drom 2021 (Sinte)

¹³ Un o Jesus dikas lat, un leskro dji dukas. Un job penas ap late: “Ma rob!”

O Debleskro Lab 2024 (Sinte-Manouche)

¹³ Oun o Yezous dikas lat, oun leskro dji doukas. Oun yob penas ap late: “Ma rob!”

Louka 7:13 Referans Kwoze

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Debleskri gili 103:13

Jaake har i dad peskro dji pre krell peskre tchawenge, jaake krell o baro Dewel peskro dji pre kolenge, kai djiwenn leha.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Louka 8:52

Un halauter rowan, un dan pengre wasta pral o shero khetne. Un job penas ap lende: “Ma rowenn! Joi hi gar muli. Joi sowella.”

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Hebrearja 2:17

Doleske hunte was o Jesus an lauter jaake, har leskre phrala, te well les i baro dji lenge, un te well lo lenge i tchatcho baro rashai glan o Debleste, te mangell lo leskre menshenge, te lell job i doosh lendar krik.

Johanni 20:15

Koi penas o Jesus ap late: “Romnija, hoske roweh tu? Kones rodeh tu?” I Maria patsas: Job hi kowa, kai budrell an i baar. Doleske penas li: “Romeha, te anal tu les krik, pen mange, kai tu les tchiwal, te djap koi, un lap les pale!”

Markus 8:2

“Man khaitenn kal menshe. Triin diwessa hi le kate pash mande, un len hi tchi te chal.

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”

Johanni 11:2

I Maria his koi djuwel, kai ko kutch djet ap o Jesuseskre pire tchoras. Un peskre ballentsa khossas joi leskre pire. Kolakro phraal his o Lazaro. Kowa his nasselo.

Louka 24:34

Un kolla, kai kote khetne hi, penan lenge: “O Dewel kras tchatchepah o Jesuses djido, un o Simon dikas les.”

Louka 17:5

Un kol deesh-te-dui bitchepangre penan ap o Jesuseste: “Kre maro patsepen soreles!”

1. Korintarja 7:30

Un kolla, kai lenge ropaske hi, djiwenn jaake, har te wans lenge gar ropaske. Un kolla, kai bachtelo hi, djiwenn jaake, har te wans jon gar bachtelo. Un kolla, kai tchomone o djipaske dren ginenna, krenn kowa jaake, har te nai rikrans jon kowa gar.

Johanni 20:13

“Hoske roweh tu, romnija?” putchan kol bolepangre i Mariatar. “Jon lan miro rajes krik,” penas li, “un me djinau gar, kai jon les tchiwan.”

Louka 13:15

Penas o Jesus ap koleste: “Tumen hi dui djia! Tumer krenn har te krans kek budi ap o Debleskro diwes. Hakeno tumendar pandell peskri grumni un peskri esla tele, un anell len pash o pani ap o Debleskro diwes.

Louka 10:1

Pal kowa rodas o Jesus wawar efta-deesh murshen win. Un job bitchras len ap o drom glan peste, te djan le an i forja un gaba, kai job ninna wella. Hako kopo djan dui mursha khetne.

Louka 7:19

un bitchras len pash o Jesuseste, te putchenn le les: “Hal tu kowa, kai hunte well? Hunte dikas mer ap i wawareste, te well lo?”

1. Tessalonikarja 4:13

Mire phrala, mer kamah, te djinenn tumer, hoi hi kol patslentsa, kai meran, te well tumenge gar ropaske har kolenge, kai prindjrenn o Debles gar un djinenn gar, hoi pal o merepen wella.

Louka 22:61

Un o Jesus rissras pes trujel, un dikas o Petres an i jaka. Un o Petreske wan kolla laba an o shero, hoi o Jesus ap leste penas: “O bashno dell gar gole jaake rah, har tu gar triin kope penal, te prindjreh man gar.”

Louka 7:12

Un jon wan pash o baro wudar kau forestar. Un i menshe hidjran i mules dran o foro win. Kowa his o tchawo i djuwjatar, kolakro rom meras. Un lat his ninna kek wawar tchawe. Un bud menshe djan lah.

Louka 7:14

Un job djas pash o mochton, un tchiwas peskro wast ap leste. Un kolla, kai o mochton hidjran, atchan tardo. Un job penas: “Terno mursh, me penau tuke: Ste pre!”

Louka 11:1

Jek diwes, har o Jesus o Debleha rakras, penas jek peskre malendar ap leste: “Sike men, har te rakras o Debleha! Ninna o Johanni sikras peskre malende, har jon hunte rakrenn o Debleha.”

Louka 11:39

Koi penas o Jesus ap leste: “Tumer Farisarja, tumer thowenn tumare khore un tchare wrijal. Un tumaro dji hi pherdo tchorepen un tchilatchepen.

Louka 12:42

Penas o Jesus: “I latcho budepaskro dell mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell lende hako diwes kowa, hoi len hunte well djipaske.

Louka 17:6

Koi penas o rai Jesus ap lende: “Te wals tumaro patsepen ninna tikno har i senftikro djob, nai penans tumer ap ko baro ruk: Witse tut an o pani! Un ko ruk shunals ap tumende.”

Louka 18:6

Koi penas o Jesus: “Shunenn tumer, hoi ko tchilatcho tchatchepaskro rai penas?

Louka 19:8

O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”

Louka 24:3

Un jon djan dren, un hatsan gar o mulo trupo o rajestar Jesus.

Johanni 4:1

I Farisarja shunan, kai bud menshe djan o Jesuseske palla. Jon shunan ninna, kai job taufras budeder menshe har o Johanni.

Johanni 6:23

Koi wan wawar bere dran o foro Tiberias, un tchiwan pen kote, kai chans le ko maro, koleske o Jesus parkras pes pash o Debleste.

Johanni 11:3

Kol dui phenja bitchran menshen pash o Jesuseste, te penenn le leske: “Rai, koles, kai tu kameh, hi nasselo.”