Louka 3:16 - O Debleskro Drom 2021 (Sinte)

¹⁶ Koi penas o Johanni ap lauterende: “Me tchiwau tumen an o pani. Jek wella, kowa hi sorleder har me. Me hom gar moldo, te krap leskre kircha pre. Job tchiwell o Debleskro Ducho ap tumende, un krell tumen djudjo, har i jag o saster djudjo krella.

O Debleskro Lab 2024 (Sinte-Manouche)

¹⁶ Koy penas o Yohanni ap lauterende: “Me čivau t'men an o pani. Yek vella, kova hi zorleder har me. Me hom gar moldo, te krap leskre kirrha pre. Yob čivell o Debleskro Dourho ap t'mende, oun krell t'men djoudjo, har i yag o saster djoudjo krella.

Louka 3:16 Referans Kwoze

Bičepangre 1:5

Har o Johanni taufras tumen, tchiwas lo tumen an o pani. O Dewel tchiwell o Debleskro Ducho ap tumende. Un o tsiro well sik, kai kowa wella.”

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Johanni 1:33

Un me prindjrom les gar. Kowa, kai bitchras man, te taufrap i menshen an o pani, kowa penas ap mande: Tu dikeh, har well o Debleskro Ducho ap i mursheste un atchell ap leste. Kowa hi ko mursh, kai dell i menshen o Debleskro Ducho.

Johanni 1:26

Penas o Johanni lenge: “Me taufrau len an o pani. Mashkral tumende hi jek, koles prindjrenn tumer gar.

1. Korintarja 12:13

Kolla, kai ap o Jesus Kristeste patsenna hi bibolde un kolla, kai kek bibolde hi, hi raja un budepangre. Kolla lauter lan o Debleskro Ducho. Ko Ducho anas len lauteren khetne.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Jesaja 32:15

Jaake atchell kowa bis an ko tsiro, kai tchorell o Dewel peskro ducho pral mende win. Palle well o mulo them i latcho them, kai jaake bud djob tardo hi, te dikell win har i weesh.

Jesaja 4:4

Kowa wella, te thowell o Dewel i tchik tele i menshendar, kai djiwenn an Zion, un lell koi phari doosh krik dran Jerusalem. Te krell lo kowa, hi kowa har i jag, hoi chatchell ko tselo djungelo koowa krik.

Gosewe laba 1:23

Te shunans ap mande, har dom tumen trad, sikroms tumende, hoi an miro dji hi, un mukoms tumen mire laba te haiwell.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Johanni 7:38

Koon ap mande patsella, har o Debleskro lab penella, dran koleste well ko pani, kai dell o djipen.”

Bičepangre 10:44

Har o Petro jaake rakras, peras o Debleskro Ducho ap lauterende, kai les shunan.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

Johanni 1:27

Kowa well pal mande. Me hom gar mishto doha, te krap leskre kircha pre.”