Louka 23:2 - O Debleskro Drom 2021 (Sinte)

² Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

O Debleskro Lab 2024 (Sinte-Manouche)

² Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Louka 23:2 Referans Kwoze

Johanni 19:12

Koi kamas o Pilato o Jesuses mukell te djal. Kol bibolde dan gole: “Te mukeh tu koles te djal, hal tu kek maal o baro rajestar an o foro Rom! Hakeno, koon krell pes har te well job i baro rai, kowa hadell pes pral leste.”

Louka 23:14

un penas ap lende: “Tumer anan kau murshes pash mande, un penan mange, te krell lo i menshen diwjo. Me kamom lestar te shunell, hoi job koi pre penella, un hatsom kek doosh ap leste, hoi tumer ap leste pre anan.

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Johanni 18:30

Jon penan ap leste: “Te wals kau mursh gar tchilatcho, anams les gar pash tute.”

Markus 12:17

Un o Jesus penas ap lende: “Jaake denn leste, hoi leskro hi, un denn o Debleste, hoi leskro hi!” Un jon kran bare jaka pral leste.

Mateo 22:21

Penan le: “O shero un o lab o baro rajestar an o foro Rom!” Penas lo ap lende: “Jaake denn leste, hoi leskro hi! Un denn o Debleste, hoi leskro hi!”

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Debleskri gili 62:4

Har rah djan tumer lauter ap jek mursheste, te denn les mulo? Hom buder tchi har i bango kheer, hoi kamell dren te phagell, un koleskre barra buder gar khetne rikrenna.

Bičepangre 24:13

Jon nai sikrenn tut witar gar, kai kowa tchatcho hi, hoi jon pral mande penan.

Louka 23:5

Jon mukan gar tele, te anenn le tchilatcho koowa ap o Jesuseste, un penan: “Job kras i menshen diwjo an o them Galilea, un an o tselo them Judea, un an o foro Jerusalem ninna.”

Mateo 17:27

Ninna te hi kowa jaake, kamah gar, te wenn le chojedo ap mende. Doleske dja pash o baro pani, un witse i raan an o pani! Ko matcho, hoi tu tapreh, koleske kre o mui pre! Un tu hatseh an leskro mui i rupeni bema. Le koi rupeni bema, un de koi bema kolende, kai len kol lowe dren! Kowa hi doha mange un tuke.”

Amos 7:10

Un o rashai o forestar Betel – leskro lab his Amazja – bitchras murshen pash o Jerobeam, ko baro rajeste an Israel, un mukas leske te penell: “O Amos krell i menshen diwjo, te hadenn le pen pral tute. Leskro rakepen nai shunah mer buder gar.

Debleskri gili 35:11

Chochene wenna, un anenn doosh ap mande. Jon putchenn mandar, hoi me gar djinau.

1. Rajengro liil 18:17

Un har o Ahab o Elijas dikas, penas lo ap leste: “Hal tu kowa, kai anom o Israel an i bibacht dren?”

Mateo 27:11

Un o Jesus his glan o themeskro rajeste, o Pilato tardo. Un kowa putchas lestar: “Hal tu o baro rai pral i biboldende?” Koi penas o Jesus: “Awa, hi jaake, har tu penal.”

Markus 15:2

Un o Pilato putchas lestar: “Hal tu o baro rai pral i biboldende?” Penas job ap leste: “Awa, hi jaake, har tu penal.”

Johanni 18:29

O themeskro rai, – leskro lab his Pilato – djas pash lende win un putchas lendar: “Hawo tchilatcho koowa kras job?”

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!