Louka 22:3 - O Debleskro Drom 2021 (Sinte)

³ Koi djas o beng an o Judas Iskariot dren. Kowa his jek kol deesh-te-dujendar.

O Debleskro Lab 2024 (Sinte-Manouche)

³ Koy djas o beng an o Youdas Iskariot dren. Kova his yek kol deesh-te-douyendar.

Louka 22:3 Referans Kwoze

Johanni 13:2

Ap koi rati, har jon chan, das o beng o Judases an o dji, te phukrell lo ap leste. O Judaseskro dad his o Simon Iskariot.

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.

Bičepangre 5:3

O Petro penas ap o Ananias: “Hoske kral tu o bengeske tiro dji pre? Hoske chochral tu o Debleskro Duches, un rikral lowe tuke?

Louka 22:21

Palle penas o Jesus: “O phukepaskro hi mantsa ap kaja chapaskri beshdo.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Johanni 12:6

Job penas kowa gar, te krell lo i tchorwelenge latcho koowa. Job his i tchorepaskro. Kol tsele lowe, hoi i menshe lende dan, his pash leste. Un job las peske kol lowendar tchomone krik.

Louka 6:16

un o Judas Iskariot, ko phukepaskro.

Mateo 26:23

Penas lo ap lende: “Ko mursh, kai tchiwell o maro mantsa an jek tcharo, kawa phukrell ap mande.

Mateo 4:10

Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Mateo 10:4

un o Simon, kai his kol menshendar, kai kharenna Zelotarja un o Judas Iskariot, ko phukepaskro.