Louka 21:7 - O Debleskro Drom 2021 (Sinte)

⁷ Koi putchan jon lestar: “Sikepaskro, kaana wella kowa? Har nai dikas mer, kai hi ko tsiro kai?”

O Debleskro Lab 2024 (Sinte-Manouche)

⁷ Koy poučan yon lestar: “Sikepaskro, kaana vella kova? Har nay dikas mer, kay hi ko tsiro kay?”

Louka 21:7 Referans Kwoze

Markus 13:14

An o Debleskro lab hi tchinlo pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura kote tardo, kai hunte well li gar tardo, palle hunte nashenn kolla, kai hi an o them Judea, sik ap i berge!

Louka 21:32

Tchatchepah, me penau tumenge: Kol menshe, kai an ko tsiro djiwenna, dikenn kowa lauter pengre jakentsa.

Mateo 24:3

Pale djas lo ap i djeteskri berga un beshas pes. Leskre mala kokres his pash leste un putchan lestar: “Ap hawo tsiro well o Debleskro baro kheer tele phagedo? Har nai dikas mer, te was ko tsiro, kai tu pale weh, un o Dewel o rai hi pral halauter?”

Daniel 12:8

Un me shunom kowa un haiwom les gar. Un me penom: “Miro rai, har djal lauter win?”

Daniel 12:6

Un job penas ap ko mursheste, kai an laintikre koola rido his, un pral ko lengsto pani tardo his: “Kaana hi ko tsiro, kai kau baro sorelo koowa pre herella?”

Louka 21:6

“Ko tsiro wella, kai halauter, hoi tumer kate dikenna, paash djala. Kek bar atchell ap i wawareste.”

Louka 21:8

Penas lo: “Denn jak! Mukenn tumen kekestar o Debleskro dromestar tele te anell! Koi wenna bud mursha, kai penenna: Me hom o Kristo, ko baro rai, kolestar o Dewel penas, te well job! Un jon penenn ninna: O tsiro hi kai! Me penau tumenge: Ma nashenn lenge palla!