Louka 2:13 - O Debleskro Drom 2021 (Sinte)

¹³ Ap jek kopo his pash ko bolepaskro bud wawar bolepangre. Un jon sharan o Debles, un penan:

O Debleskro Lab 2024 (Sinte-Manouche)

¹³ Ap yek kopo his pash ko bolepaskro boud vavar bolepangre. Oun yon sharan o Debles, oun penan:

Louka 2:13 Referans Kwoze

Debleskro tsiro 5:11

Un me dikom un shunom bud bolepangren tardo trul o rajeskro beshepaskro, un trul kol star sorele bolepangre, un trul kol tchatchepangre phurende. Jon his jaake bud har deesh serja (10.000) kope deesh serja un jek sero kope jek sero.

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

Debleskri gili 148:2

Tumer tsele bolepangre, sharenn les! Tumer leskre kurepangre, sharenn les!

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Daniel 7:10

Un i lengsti jag das lestar karje win. Un leske budran serja kope serja. Un deesh-serja kope deesh-serja his glan leste tardo. Un i tchatchepangre raja beshan pen, un i lila wan pre kerdo.

Louka 15:10

Me penau tumenge ninna: O Debleskre bolepangre hi bachtelo pral jekeste, kai mukell peskro tchilatcho drom un djal ap o Debleskro drom.

Hiob 38:7

Har lo tchiddo was, giwan i tsele bolepangre momlia, hoi tsalla pre djan, un i bolepangre dan gole i bachtjatar.

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

1. Mose 28:12

Koi das lo suni: Job dikas i treppa ap i phub tardo. Koja djas bis an o bolepen. Un o Debleskre bolepangre djan pre un tele.

Ezekiel 3:12

Un i ducho hadas man pre. Un pal mande shunom me i bari soreli gole, hoi penas: Sharenn o railepen o baro Deblestar kote, kai lo khere hi!

1. Petro 1:12

Kol Debleskre rakepangre haiwan, kai kowa gar lenge kokres hi, hoi len o Dewel sikras. Kowa hi tumenge, kai kanna djiwenna. Tumenge was o latcho lab o Jesus Kristestar penlo. Kolla, kai penan les tumenge, rakran kowa, hoi penas lenge o Debleskro Ducho. Koles bitchras o Dewel dran o bolepen. Ninna i bolepangre kamenn o Jesuseskro railepen te dikell.

Louka 2:12

Un ap kowa dikenn tumer, koon o ternepen hi: Job hi pandlo an i pherne, un kote dren tchiddo, kai o chapen i viechenge dren tchiddo wella.”

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.