Louka 16:9 - O Debleskro Drom 2021 (Sinte)

⁹ Me penau tumenge: Tumare lowe atchenna gar. Denn len i tchorwelende, te wenn le tumare mala! Te hi kol lowe budeder tchi moldo, palle lenn le tumen kote an i khera dren, kai tumer hako tsiro nai atchenna.”

O Debleskro Lab 2024 (Sinte-Manouche)

⁹ Me penau t'menge: T'mare love ačenna gar. Denn len i čorvelende, te venn le t'mare mala! Te hi kol love boudeder či moldo, palle lenn le t'men kote an i khera dren, kay t'mer hako tsiro nay ačenna.”

Louka 16:9 Referans Kwoze

Mateo 19:21

Penas o Jesus ap leste: “Te kameh tu o tselo Debleskro kamlepen te krell, palle bike lauter, hoi tut hi! Un de kol lowe i tchorwelende! Palle hi tut i brawlepen an o bolepen. Un am un dja mantsa!”

Mateo 6:24

Kek budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, kol wawares kamals job o djijestar. Tu nai budreh gar o Debleske un rodeh tiro brawlepen.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Louka 16:11

Te djan tumer gar mishto trujel kol lowentsa, hoi gar atchenna, koon dell tumen nai ko brawlepen an o wast, hoi atchella?

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Louka 14:14

Te kreh tu kowa, hal tu bachtelo! Kol menshe nai denn tut tchi pale. Te krell o Dewel kol mulen djido, kai kran, hoi job kamas, palle dell lo tut kowa lauter pale, hoi tu lenge kral.”

Louka 12:33

Bikrenn, hoi tumen hi! Denn kol lowe i tchorwelende! Palle hi kowa jaake, har te krenn tumen i lowengro gono, hoi gar paash djala! Jaake krenn tumenge i baro brawlepen, hoi nashrenn nai gar. Kowa hi an o bolepen, kai kek tchorepaskro tumaro koowa hatsella, un kek kirme les nai pre chan!

Louka 11:41

Denn i tchorwelende kowa, hoi tumen an tumare khore un tchare dren hi! Un tchi hi tumenge pale-tchiddo.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.

Louka 16:13

Kek budepaskro budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, ko wawares kamals job o djijestar. Tu nai budreh gar o Debleske un leh tiro brawlepen khetne!”

Bičepangre 10:31

Un job penas ap mande: Kornelio, o Dewel shunas tut, un hoi tu dal kol tchorwelende, dikas o Dewel ninna.

Mateo 6:19

Anenn tumenge kek brawlepen ap i phub khetne! Kote hi i kirme, hoi i ripja chana. Koi krell o pani o saster paash. Kote hi i tchorepangre, kai tchorenn tumaro brawlepen.

Judas 1:21

Un rikrenn tumen an o Debleskro kamlepen! Un dikenn ap maro rajeste, o Jesus Kristeste! Kowa hi jaake latcho ap mende, te dell lo men o djipen, hoi gar pre-herella.

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

Sikepaskro 11:1

Witse tiro maro ap o pani; un tu hatseh les pale pal bud diwessa.

Gosewe laba 23:5

Te dikeh tire jakentsa pre, hi o brawlepen gar buder koi, jaake sik hi lo krik har i tchirklo, hoi hadell peskre mussja un hadell pes an o bolepen.

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

Louka 16:4

Me djinau kanna, hoi te krap, te lenn jon man pash pende pre ap ko diwes, kai hi man buder kek budi.

Gosewe laba 14:24

O goswepen hi har shereskro sonakai i gosewenge. Ap o shero i narwelendar hi lengro dinlepen har i stadi.