Louka 12:1 - O Debleskro Drom 2021 (Sinte)

¹ Ap ko tsiro wan bud serja menshe khetne, jaake te stakras jek o wawareske ap i pire. Koi penas o Jesus ap peskre malende, gar ap kol wawarende: Denn garda, te rakrenn gar dui tchipjentsa har i Farisarja! Kowa hi har shutlo jarro, hoi krell o tselo jarro shutlo.

O Debleskro Lab 2024 (Sinte-Manouche)

¹ Ap ko tsiro van boud zerya menshe khetne, yaake te stakras yek o vavareske ap i pire. Koy penas o Yezous ap peskre malende, gar ap kol vavarende: Denn garda, te rakrenn gar douy čipyentsa har i Farisarya! Kova hi har shoutlo yarro, hoy krell o tselo yarro shoutlo.

Louka 12:1 Referans Kwoze

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

Louka 12:56

Tumen hi dui djia! Tumer dikenn ap i phub un ap o bolepen un djinenn, hoi wella. Hoske nai haiwenn gar, hoi an kau tsiro glan tumare jaka lauter djala?

Hiob 36:13

Kolla, kai kamenn tchi o Deblestar te djinell, rikrenn pengri choli an lengre djia. Ninna te dell o Dewel len i phagi, denn le gar gole, te well lo lenge ap i rig.

Hiob 27:8

Ap hoi nai rikrell pes kowa, kai kamell tchi o Deblestar te djinell, te well ko tsiro, kai lo hunte merell, un o Dewel leskro djipen lestar lell?

Hiob 20:5

well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

2. Rajengro liil 7:17

Ko baro rai bitchras ko pralstuno lurdes, kai tchiwell lo pes ap leskri mussi, pash o foreskro wudar. Un kote pash ko baro wudar stakran kol menshe an leste jaake, kai meras lo, har ko Debleskro mursh kowa penas, har o baro rai pash leste was.

1. Korintarja 15:3

Ko bareder lab, hoi mange penlo was, un hoi me tumenge penom, hi kawa: O Jesus Kristo meras menge, te lell lo mari doosh mendar krik, jaake har an o Debleskro lab tchinlo hi.

Bičepangre 21:20

Har jon kowa shunan, sharan le o Debles, un penan ap o Pauleste: Miro phraal, tu dikeh har bud serja bibolde patslo wan, un lauter rikrenn pen pengri tseli sorjah ap kowa, hoi o Mose an peskre lila penas.

Louka 11:44

Tumer Farisarja, hoi tumer krenna, ko hi gar mishto. Tumer han har i handako, hoi tele an i phub hi. Un i menshe djan pral wergel, un djinenn gar, kai i mule koi paskedo hi.”

Louka 6:17

Pal kowa djas o Jesus lentsa i berga tele. Un jon wan ap i buchlo kotar them. Koi his bud kolendar khetne, kai leske palla djan, un ap leste shunan. Ninna bud wawar menshe his kote. Un kolla wan dran o tselo them Judea un dran o foro Jerusalem, ninna dran o them, kai i forja Tirus un Sidon tchiddo hi.

Louka 5:15

Un bud un budeder menshe shunan o Jesusestar. Un bud wan khetne, te shunenn le les, un te wenn le lestar sasto kerdo.

Louka 5:1

His i diwes, kai o Jesus pash o baro pani Genezaret tardo his. Un bud menshe kaman te shunell o Debleskro lab.

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.