Louka 10:9 - O Debleskro Drom 2021 (Sinte)

⁹ Krenn sasto kol nasselen, kai kote hi! Un penenn i menshenge: O tsiro well sik, kai lell o Dewel i menshen dran o tchilatchepen win.”

O Debleskro Lab 2024 (Sinte-Manouche)

⁹ Krenn sasto kol nasselen, kay kote hi! Oun penenn i menshenge: O tsiro vell sik, kay lell o Devel i menshen dran o čilačepen vin.”

Louka 10:9 Referans Kwoze

Mateo 3:2

Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.

Louka 10:11

Ninna koi tchik dran tumaro foro, hoi ap mare pire hi, tchiwah mer tele. Kowa sikrell tumen, kai tumer kaman gar, te well o Dewel tumaro rai.

Bičepangre 28:31

Job rakras lentsa pral o Debleste un pral o djipen, hoi i patsle khetne o Debleha djiwenna. Un job penas lenge lauter, hoi maro rai, o Jesus Kristo lenge kras. Un les his kek traash, te penell lo kowa. Un kek was, kai penas, te nai krell lo kowa gar.

Louka 9:2

Un job bitchras len pash i menshende, te penenn le lenge, te hi o tsiro kanna kai, kai o Dewel i menshen pash peste gole della, te djan le ap leskro drom. Un job bitchras len ninna, te krenn le i nasselen sasto.

Bičepangre 28:28

Un o Paulo penas: “Djinenn! Kanna well o Debleskro latcho lab o Jesus Kristestar pash kolende, kai kek bibolde hi, un jon shunenna.”

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Markus 6:13

Un jon tradan bud bengen i menshendar win, un makan bud nasselen o djeteha dren, un kran len sasto.

Markus 4:30

Palle penas o Jesus ap lende: Me penau tumenge kanna, har kowa hi, te dell o Dewel i menshen pash peste gole, te djan le ap leskro drom.

Mateo 4:17

Ap ko tsiro penas o Jesus ap i menshende: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Louka 10:10

Un job penas dureder: “Te wenn tumer an i foro, un jon lenn tumen gar an i kheer dren, palle djan win ap i dromma un penenn: