Louka 10:6 - O Debleskro Drom 2021 (Sinte)

⁶ Te hi i mensho kote, kai kamell koi bacht, hoi o Dewel an leskro dji della, ap koleste well o Debleskri bacht. Te kamell jek gar koi bacht, hoi o Dewel an leskro dji della, kowa lell o Debleskri bacht gar.

O Debleskro Lab 2024 (Sinte-Manouche)

⁶ Te hi i mensho kote, kay kamell koy barht, hoy o Devel an leskro dji della, ap koleste vell o Debleskri barht. Te kamell yek gar koy barht, hoy o Devel an leskro dji della, kova lell o Debleskri barht gar.

Louka 10:6 Referans Kwoze

2. Tessalonikarja 3:16

Maro rai Jesus, kolestar wella i tseli bacht, kolestar mangau, te dell lo tumen hako tsiro peskri bacht an o dji, kote, kai tumer han. Maro rai Jesus djal tumentsa lauterentsa!

Jakobo 3:18

Kolla, kai lenn o tchingepen mank i menshende krik, kolendar well latcho koowa, kai atchell hako tsiro.

Efesarja 5:6

Ma patsenn kekes, kai penell tumenge, te nai krenn kowa lauter! Koon kowa penella, hi i chocheno. O Debleskri choli well ap kolende, kai gar ap o Debleste shunenna, un krenna sawo tchilatcho koowa.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Debleskri gili 35:13

Har jek lendar nasselo his, riwom ropaskre ripja ap mande, chom tchi un bokom leske, un pale te pale mangom o Debles leske,

1. Samuel 25:17

Un kanna dik, hoi tu gomme nai kreh! Te well tchi kerdo, palle well i bibacht pral maro rajeste un leskro tselo kheer. Ko patsau soreles. Job hi sau tchilatcho mensho, te nai rakrell jek leha gar.”

1. Petro 1:14

Tumer han o Debleskre tchawe. Doleske shunenn ap leste, un djiwenn buder gar jaake har an ko tsiro, kai prindjran tumer o Debles gar un kran o tchilatchepen, hoi an tumende his.

Louka 10:5

Te wenn tumer an i kheer, rakrenn o Debleskri bacht pral kol menshende win!

Louka 10:7

Atchenn an ko kheer, kai jon tumen pre lan! Chan un pijenn kowa, hoi jon tumen denna! Hako budepaskro lell peskro chapen kolendar, kolenge job budrella. Tumer hunte djan gar an jek kheer pal o wawar.