Louka 10:12 - O Debleskro Drom 2021 (Sinte)

¹² Me penau tumenge: Ap ko diwes, kai o Dewel o tchatchepen pral i tsele menshende ap i phub wi-rakrella, lenna kol menshe, kai lan tumen gar pre, i bareder phagi har kol menshe an o foro Sodom.”

O Debleskro Lab 2024 (Sinte-Manouche)

¹² Me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kol menshe an o foro Sodom.”

Louka 10:12 Referans Kwoze

Mateo 10:15

Tchatchepah, me penau tumenge: Ap ko diwes, kai o Dewel o tchatchepen pral i tsele menshende ap i phub wi-rakrella, lenna kol menshe, kai lan tumen gar pre, i bareder phagi har kolla, kai djiwan an i forja Sodom un Gomorra.

Mateo 11:24

Me penau tumenge: Ap ko diwes, kai rakrell o Dewel o tchatchepen pral i tsele menshende win, lenn tumer i bareder phagi, har kol menshe an o foro Sodom.

Markus 6:11

Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Ropaskre gilja 4:6

Koi doosh, hoi mire menshe ap pende anan, hi bareder har koi doosh, hoi anan i menshe an o foro Sodom pral pende. Kolengro foro djas sik tele, un kek wast was lenge ap i rig.

1. Mose 19:24

Koi mukas o baro Dewel jag un jagakri khand pral i forja Sodom un Gomorra te perell dran o bolepen.