Louka 1:8 - O Debleskro Drom 2021 (Sinte)

^8-9 His i tsiro, kai budran kol rashaja an o Debleskro baro kheer, kolendar o Zachari jek his. Un har pash lende jaake hi, rodan le les win, te djal job an o Debleskro baro kheer, te chatchrell lo kasht o Debleske, hoi shukar sungella.

O Debleskro Lab 2024 (Sinte-Manouche)

^8-9 His i tsiro, kay boudran kol rashaya an o Debleskro baro kheer, kolendar o Zakari yek his. Oun har pash lende yaake hi, rodan le les vin, te djal yob an o Debleskro baro kheer, te rhačrell lo kasht o Debleske, hoy shoukar soungella.

Louka 1:8 Referans Kwoze

2. Familjakro liil 8:14

Un jaake har peskro dad, o David penas, tchiwas o Salomo i rashajen jaake khetne, har hunte budrenn le khetne. Ninna penas lo ap i Levitarja, hawi budi jon hunte krenn: Koi his sawe mank lende, kai giwan, un wawar wan i rashajenge pash o wast, jaake har hunte his hako diwes. Ninna i wudjengre mursha wan jaake khetne anlo, har hunte denn le jak ap i wudja. Hako wudareske his sawe koi, kai dan jak ap leste. Jaake penas kowa o David, ko Debleskro mursh.

1. Familjakro liil 24:19

Kalla hi i rashaja, kai wan wi-rodedo, te wenn le i pralstune pral kol rashajende, kai hunte budrenn khetne an o baro Debleskro kheer, jaake har lengro phuro dad, o Aron, lenge glan tchinas. Kowa kras o Aron jaake, har penas leske o baro Dewel, kai o Israeleskro Dewel hi.

2. Familjakro liil 31:2

Un o Hiskija tchiwas i rashajen un i Levitarjen jaake khetne, har hunte budrenn le, hakenes an peskri budi. I rashaja hunte anan kol viechen o Debleske, hoi wan tseles chatchedo un kolen, hoi chan le khetne. I Levitarja wan lenge ap i rig, un sharan o baro Debles bashepah un gipah an i wudja ko kherestar, kai o baro Dewel djiwell.

Louka 1:5

Ap kau tsiro, kai o Herodes o baro rai pral o them Judea his, djiwas i rashai. Kowa his jek kol rashajendar, kai kharan pen pal o rashai Abia. Leskro lab his Zachari. Un leskri romni kharas Elisabet. Joi hi o Aroneskre menshendar

Esra 6:18

Un jon tchiwan i rashajen un i Levitarjen an pengri budi dren an o Debleskro kheer an Jerusalem, un kran win, hawe rashaja hunte khetne budrenn, un hawe Levitarja hunte khetne budrenn. Lauter kran le jaake har tele tchinlo was an o Moseskre lila.

2. Familjakro liil 31:19

Ninna i rashaja, kol tchawe o Aronestar, kai djiwan win glan lengro foro ap koi phub, kai i vieche chana, kolla lan pengro kotar chapaske. Lenge wan mursha pengro labeha wi-rodedo hako foreske, te denn le i tsele murshende an i rashajengre familje pengro kotar, ninna kol Levitarjen, kai an i lila dren tchinlo wan.

2. Familjakro liil 11:14

I Levitarja mukan pengre forja un halauter, hoi len his, un wan an o them Juda un an o foro Jerusalem. An o them Israel mukas len o Jerobeam un leskre mursh tchawe buder gar rashaja te atchell, kai budrenn o baro Debleske.

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

2. Mose 30:30

Jaake kress kowa ninna o Aroneha un leskre tchawentsa. Mak len o djeteha, te wenn le rashaja mange.

2. Mose 29:44

Jaake lau miro plachteno kheer un i sasterni chatchepaskri mange, ninna o Arones un leskre tchawen, te wenn le mange rashaja.

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

2. Mose 29:1

Un kowa kre, te well o Aron un leskre tchawe rashaja mange. Le i terno gurum un dui mursh bakre, hoi sasto hi.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 28:1

Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

1. Familjakro liil 24:2

O Nadab un o Abihu meran, har o Aron gomme djido his, un len his kek mursh tchawe. O Eleasar un o Itamar wan rashaja.

Louka 1:7

Len his kek tchawe. Joi nai las kek. Un jon dui his phuro.