Louka 1:74 - O Debleskro Drom 2021 (Sinte)

⁷⁴ te lell lo men dran i tchilatche wasta win, te budrah nai leske, un trashah buder gar,

O Debleskro Lab 2024 (Sinte-Manouche)

⁷⁴ te lell lo men dran i čilače vasta vin, te boudrah nay leske, oun trashah bouder gar,

Louka 1:74 Referans Kwoze

2. Timoteo 1:7

O Debleskro Ducho, hoi o Dewel men das, kowa krell men gar dareno, na-a, o Debleskro Ducho dell men soor, kamlepen i wawarenge, un o goswepen, har te djiwas.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!

Hebrearja 2:15

Jaake nai las lo kol menshenge i daar o merepastar, hoi his len an pengro tselo djipen.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Louka 1:71

te lell men o Dewel dran i wasta kolendar win, kai kamenn men te marell, awa, te lell lo men dran i wasta kolendar win, kai men gar kamenna.

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Debleskri gili 119:134

Le man win dran i wasta kolendar, kai man tikno rikrenn, un me kamau kowa te krell, hoi tu menge penal.

Jesaja 43:21

Un mire menshe Israel, kolen mange krom, sharenn man glan i wawarende.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Louka 1:73

Glan maro dadeste, o Abrahameste, das job pes sowel,

Louka 1:75

jaake te djiwas mer leske i djudjo un latcho djijeha jaake rah, har djiwah.

2. Rajengro liil 17:39

Me, o baro Dewel kokres, hom tumaro Dewel. Man mangenn an! Un me lau tumen win dran i wasta lauterendar, kai kamenn tumen marell.”