Louka 1:48 - O Debleskro Drom 2021 (Sinte)

⁴⁸ Me hom gar moldo, te dikas o Dewel jaake latches ap mande. Un kanna sharenn man i tsele menshe. Un lengre tchawe penenna mandar, kai o Dewel man bachteles kras.

O Debleskro Lab 2024 (Sinte-Manouche)

⁴⁸ Me hom gar moldo, te dikas o Devel yaake lačes ap mande. Oun kanna sharenn man i tsele menshe. Oun lengre čave penenna mandar, kay o Devel man barhteles kras.

Louka 1:48 Referans Kwoze

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Maleachi 3:12

Un i menshe an i tsele themma penenn pral tumende: “Dikenn, har bachteles jon hi! Hawo shukar them len hi!” Ko penell o baro Dewel, ko rai pral o bolepen un i phub.

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

Louka 11:27

Bud menshe his trul o Jesuseste tardo. Un har job kowa penas, das i djuwel gole: “Bachteli hi koi dai, kolatar tu boldo wal!”

Debleskri gili 136:23

Job bistras men gar, har tele rikede hams. Leskro latchepen atchella hako tsireske!

Louka 1:42

un das bares gole: “Sharedi weh tu mashkral i tsele djuwjende, un sharedo well o ternepen an tute!

Louka 1:28

Un o Gabrijel was pash late an o kheer un penas: “Latcho diwes, Maria! O Dewel hi tuha! Job dikas latches ap tute.”

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

2. Samuel 7:8

Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.

1. Mose 30:13

Koi penas i Lea: “Har bachtelo hom me. I romja sharenna man un penenna ‘Hawi bachteli romni!’” Un joi das les ko lab Asser.

Debleskri gili 102:17

O baro Dewel tchiwell o foro Zion pale pre, un mukell pes te dikell an peskro railepen.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Louka 1:45

Bachteli hal tu! Tu patsal, te well kowa jaake, hoi o Dewel tuke penas.”

Louka 1:49

Baro koowa kras job ap mande. Les hi i tseli soor, un leskro lab hi bareder har hako wawar lab.