Louka 1:10 - O Debleskro Drom 2021 (Sinte)

¹⁰ Un ap ko tsiro, har chatchras job ko kasht, hoi shukar sungella, his bud menshe win tardo, un mangan o Debles an.

O Debleskro Lab 2024 (Sinte-Manouche)

¹⁰ Oun ap ko tsiro, har rhačras yob ko kasht, hoy shoukar soungella, his boud menshe vin tardo, oun mangan o Debles an.

Louka 1:10 Referans Kwoze

3. Mose 16:17

Kek mensho hunte well an o Debleskro kheer an ko tselo tsiro, kai djal o Aron an o kutch isema dren, un krell te well o pale-tchiddo koowa un koi doosh krik lino lestar, leskri familjatar un i tsele Israelendar.

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.

Hebrearja 9:24

Kowa hi o Jesus Kristo. Job djas gar an o Debleskro kheer, hoi i menshe kran, un hoi sikrell mende kokres i tikno kotar ko tchatcho Debleskro kherestar an o bolepen. Na-a, job djas an o bolepen glan o Debleste, te mangell lo les menge.

Hebrearja 4:14

Men hi i baro rashai. Kowa hi o Jesus, o Debleskro tchawo. Job djas pash o Debleste an o bolepen, te mangell lo les menge. Doleske mukas mer gar tele, te rikras soreles ap maro patsepen.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

Ezekiel 46:3

Ninna i Israelitarja wenn glan kau baro wudar ap o Debleskro diwes un ap ko diwes, kai well o newo tchon diklo, un mangenn o baro Debles an.