Josua 9:10 - O Debleskro Drom 2021 (Sinte)

¹⁰ un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

O Debleskro Lab 2024 (Sinte-Manouche)

¹⁰ oun ninna halauter, hoy yob kol douy bare rayentsa pral i Amorarya kras, kay ap i vavar rig o panyestar Yordan djivan, ko rayeha Sihon, ko baro rayeha pral o foro Heshbon, oun ko rayeha Og, ko baro rayeha pral o them Bashan, koon an o foro Astarot djivas.

Josua 9:10 Referans Kwoze

Josua 12:4

Ko wawar baro rai his o Og, ko rai pral o them Bashan. Job djiwas an o foro Astarot un an o foro Edrei, un his jek, kai kol bare menshendar pral atchan, kai wenn ‘riese’ kharedo.

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

5. Mose 1:4

Kowa his pal kowa job kol dui bare rajen das: o Sihon, ko baro rajes pral i Amorarja, kai an o foro Heshbon djiwas, un palle pash Edrei o Og, ko baro rajes pral Bashan, kai an o foro Astarot djiwas.

1. Mose 14:5

An o deesh-te-starto bersh was o baro rai Kedor-Laomer un kol wawar bare raja, kai leha khetne his. Un jon kuran pen: kol menshentsa an o foro Asterot-Karnajim – kolla his i Refajarja; kol menshentsa an o foro Ham, – kolla his i Susarja; kol menshentsa, kai djiwenna an o them, kai o foro Kirjatajim tardo hi, – kolla his i Emarja;

4. Mose 20:14

Har hi le an o foro Kadesh, bitchras o Mose jekes pash o baro rajeste pral kol Edomarja, un mukas leske te penell: “Kowa mukell tuke tiro phraal Israel te penell: Tu djineh, hawo pharo tsiro ap mende was,

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Josua 9:9

Un jon penan: “Dran i them dur katar krik wan tire budepangre kate pash tute. Mer shunam, har baro tiro Dewel hi un hoi job, o baro Dewel, halauter kras an o them Egiptia,

Josua 9:11

Un har kowa shunam, penan mare phureder un halauter, hoi an maro them djiwenn, ap mende: ‘Lenn kowa, hoi tumen o djipaske hunte well, tumentsa ap o drom! Un djan kote pash lende un penenn ap lende: Tumare budepangre ham, un krenn mentsa win, te krenn kek kurepen mentsa!’

Josua 13:31

Un o paash kol familjendar dran o kheer Machir – koleskro dad o Manasse his – kolen das o Mose o paash them Gilead. Kote hi kol forja Astarot un Edrei tchiddo, kai o rai pral Bashan, o Og, djiwas.

Josua 2:10

Mer shunam, har kras o baro Dewel tumenge i drom an o baro pani, hoi kharella ‘Baro Lolo Pani’, har djan dran o them Egiptia win. Shunam ninna, hoi kran tumer kol dui bare rajentsa pral i Amorarja, o Sihon un o Og, hoi ap i wawar rig o panjestar Jordan his. Tumer maran len un kran halauter paash, hoi lenge his.