Josua 8:21 - O Debleskro Drom 2021 (Sinte)

²¹ Har dikas o Josua peskre lurdentsa i jagakro ducho, hoi dran o foro pre djas, haiwan le, te lan kol lurde, kai khatedo pal o foro his, o foro dren. Koi rissran le trujel un kuran pen i murshentsa dran o foro Ai.

O Debleskro Lab 2024 (Sinte-Manouche)

²¹ Har dikas o Yosua peskre lourdentsa i yagakro dourho, hoy dran o foro pre djas, hayvan le, te lan kol lourde, kay khatedo pal o foro his, o foro dren. Koy rissran le trouyel oun kouran pen i morshentsa dran o foro Ai.

Josua 8:21 Referans Kwoze

Josua 8:20

Un i mursha dran o foro Ai rissran pen trujel un dikan, har o jagakro ducho pre djas an o bolepen. Un jon nai nashan buder gar krik, – gar kate un gar kote. Un i Israelitarja, kai ap o drom an o mulo tato them glan lende nashan, rissran pen trujel un djan ap lende.

Josua 8:22

Un ninna i Israelitarja, kai o foro dren lan, wan dran o foro win un djan ap lende. Jaake his i mursha dran o foro Ai mashkral i Israelitarja. Un kolla his trul lende kol dui rigjendar. Un i Israelitarja dan len mulo. Un kek lendar atchas pral, un witar kek nai nashas peske.

Josua 10:1

Un o baro rai pral o foro Jerusalem, o Adoni-Zedek, shunas, te las o Josua o foro Ai dren, un das lauteren mulo, kai kote djiwan. Ninna was leske penlo, te kras o Josua ko foreha Ai un leskro baro rajeha jaake, har lo ninna o foreha Jericho un leskro baro rajeha kras. Ninna shunas lo, te kran kolla, kai an o foro Gibeon djiwenn, i Israelentsa win, te well kek kurepen mashkral lende dujende, un te djiwenn le mashkral lende.

2. Samuel 10:9

Un o Joab dikas, kai kolla kaman pen leha te kurell, un wan fun glan un pal. Koi rodas job peskre feteder murshen win, un mukas len pen pre te tchiwell glan kol Syrarja.