Josua 7:25 - O Debleskro Drom 2021 (Sinte)

²⁵ Un o Josua penas: “Jaake har tu men an i bibacht anal, jaake anell tut o baro Dewel kanna an i bibacht!” Un i tsele Israelitarja hadan barra pre un witsran len ap lende, te meran le. Un palle chatchran le len pre.

O Debleskro Lab 2024 (Sinte-Manouche)

²⁵ Oun o Yosua penas: “Yaake har tou men an i bibarht anal, yaake anell tout o baro Devel kanna an i bibarht!” Oun i tsele Israelitarya hadan barra pre oun vitsran len ap lende, te meran le. Oun palle rhačran le len pre.

Josua 7:25 Referans Kwoze

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

1. Familjakro liil 2:7

O Karmi: Leskro tchawo his o Achan. Kowa anas Israel an i bibacht. Job rikras peske sawo koowa, hoi o baro Debleske his.

5. Mose 17:5

palle lenn ko murshes oder koi djuwjat, un anenn len win glan tumaro foro, un witsrenn barra ap lende bis te hi le mulo.

3. Mose 24:14

An ko murshes win glan koi platsa, kai i menshe hi! Hakeno, kai shunas, hoi lo penas, kowa tchiwell peskre wasta ap leskro shero. Palle witsrenn i tsele menshe les mulo i barrentsa.

3. Mose 20:2

Pen ap i Israelitarja: Koon tumendar jek peskre tchawendar o chocheno debleste, o Moloch, das, kowa hunte merell. I tsele menshe hunte witsrenn les i barrentsa mulo. Kowa hi ninna jaake, te krell sau koowa i wi-themari, kai pash tumende djiwell.

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

2. Tessalonikarja 1:6

Job djal ninna pal o tchatchepen, te dell lo kolen i phagi, kai tumen palla lan.

Galatarja 5:12

Kolla, kai krenn tumen dineles, kamaus, te tchinenn pen le paash!

Josua 7:15

Un ko mursh, pash koleste kowa hatslo well, hoi o baro Debleske hi, kowa well chatchedo: job un halauter, hoi les hi. Job kras gar, hoi o baro Dewel i Israelentsa win kras, un anas jaake i bari ladj ap o Israel.”

5. Mose 21:21

Un i tsele mursha dran ko foro hunte witsrenn barra ap leste, bis te hi lo mulo. Jaake witsrenn tumer o tchilatchepen dran tumende win. Un i tsele Israelitarja hunte shunenn kolestar un darenn.

5. Mose 13:10

Na-a, tu dess les mulo. Tu wess o ersto, kai lell i bar an peskro wast, te witsress ap leste, un pal tute i tsele wawar.

3. Mose 21:9

Te well i rashajeskri tchai i lubni, anell i bari ladj ap peste un peskro dadeste. Joi well an i jag chatchedo.

3. Mose 20:14

Te lell i mursh i romjat un lakri dat gomme pashel, hi kowa i wi-ladjedo koowa. Job hunte well an i jag chatchedo, un kol dui djuwja ninna. Kamau te well kek wi-ladjedo koowa mank tumende.

1. Mose 38:24

Pal triin tchon was o Judaeske penlo: “I Tamar, tiro tchaweskri romni lubras pes trujel, un joi hi an wawar koowa.” Koi penas o Juda: “Anenn lat win, te well li pre chatchedo.”

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

1. Samuel 14:29

Kote penas o Jonatan: “Miro dad anell bibacht ap maro them. Dikenn, har wom me pale soreles, har chom i mui pherdo gwin.

5. Mose 13:11

Job kamas tut krik te anell tiro baro Deblestar, kolestar, kai tut win anas dran o pandepen an o them Egiptia. Doleske hunte well job mules witsedo i barrentsa.

Gosewe laba 1:19

Jaake djal hakeneske, kai kamell o wawareskro brawlepen te lell. Sawo mensho lell peske kokres o djipen.

Gosewe laba 15:27

Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.