Josua 6:19 - O Debleskro Drom 2021 (Sinte)

¹⁹ O tselo rup un sonakai un o tselo sasterno koowa hi o baro Debleske un hunte well anlo an leskro kheer, kai leskro brawlepen hi.”

O Debleskro Lab 2024 (Sinte-Manouche)

¹⁹ O tselo roup oun sonakay oun o tselo sasterno koova hi o baro Debleske oun hounte vell anlo an leskro kheer, kay leskro bravlepen hi.”

Josua 6:19 Referans Kwoze

Mateo 27:6

Kol bare rashaja lan kol rupene beme, un penan: “Ap kal lowe hi o rat pre. Mer nai tchiwah kal lowe gar pash o brawlepen an o Debleskro baro kheer. Kowa djal gar pal o biboldengro tchatchepen.”

1. Familjakro liil 26:20

Wawar Levitarja dan jak ap o brawlepen an o Debleskro kheer un ko kutch koowa, hoi i menshe o Debleske dan.

Markus 12:41

An o Debleskro baro kheer his i lowengri piri tardo, kai i menshe lowe o Debleske dren tchiwan. Un o Jesus beshas pes pashel un dikas, har kol menshe lowe dren tchiwan. Un bud brawele tchiwan bud dren.

Nehemia 10:38

Mer dah len ninna fun o newo jarro un kol newe rukengre, hoi ap mare ruka bares wan, ninna fun i newi mool un o newo djet un tchiwenn kowa lauter an i iseme pash maro Debleskro kheer. Ninna i Levitarjen te well, hoi lenge hi: o deshto kotar lauterestar, hoi ap maro phub baro was. Kolla te wenn un lenn penge o deshto kotar an hako gab un hako foro, kai mari hachetikri phub hi.

1. Familjakro liil 18:11

Kowa lauter das o baro rai David o baro Debleste, un tchiwas kowa an leskro kheer, ninna ko rup un sonakai, hoi las job kol menshendar dran i themma Edom, Moab, Ammon, Filistia un Amalek.

2. Rajengro liil 24:13

Un job las peske o tselo brawlepen, hoi his an o baro Debleskro kheer un an o rajeskro kheer. Un kol tsele sonakangre koola, hoi mukas o Israeleskro rai, o Salomo, te krell o baro Debleskro khereske, kowa mukas o Nebukadnezar khetne te dell. Lauter was jaake, har o baro Dewel les penas.

1. Rajengro liil 7:51

Har o tselo Debleskro kheer kerdo was un kowa, hoi dren his, hoi mukas o rai Salomo te krell, mukas lo ko koowa te anell, hoi peskro dad, o David, o baro Debleske das. Ko rup un sonakai un ko tselo koowa tchiwas lo an o baro Debleskro kheer, an koi isema, kai o brawlepen his.

2. Samuel 8:11

Kowa lauter das o baro rai David o baro Debleste, un tchiwas kowa an leskro kheer, ninna ko rup un sonakai, hoi job kol menshendar las, pral kolende job o sorleder was un kanna o rai hi.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

2. Familjakro liil 31:12

Kote tchiwan le kowa lauter kotar fer kotar dren: o chapen, hoi dan le har glan-tchinlo hi, un kowa, hoi o deshto kotar kolestar hi, hoi jon dren anan, un kowa hoi dan le pendar o baro Debleske. Un o pralstuno koi pral his ko Levitari, o Konanja. Un o duito his leskro phraal o Shimi.

2. Familjakro liil 15:18

Un ko rup un sonakai un ko wawar koowa, hoi leskro dad o baro Debleske anas, un hoi job o baro Debleske anas, kowa anas lo halauter an o baro Debleskro kheer.

1. Familjakro liil 28:12

Koi pashel das o David les kol lila, kai pre tchinlo hi, hoi leske an o shero trujel djas, har ko wawar koowa win dikell: kol glanstune platse un kol iseme, hoi trul o kheer wenn, kai well o brawlepen pre garedo, un ko kutch koowa, hoi i menshe o Debleske denna.

1. Familjakro liil 26:28

O Shelomit un leskre phrala his i pralstune pral halauter, hoi o Debleske dino was, ninna pral kowa, hoi glan ko tsiro o dikepaskro o Samuel o Debleske anas, un o Saul, koleskro dad o Kish his, un o Abner, koleskro dad o Ner his, un o Joab, koleskri dai i Zeruja his.

1. Familjakro liil 26:26

Kau mursh Shelomit un leskre phrala his i pralstune pral o kutch koowa, hoi o Debleske dino was. Kau koowa anan o baro rai David un i pralstune pral i familjende, ninna i pralstune pral i lurdende, kolla pral jek sero lurdende un kolla pral jek shelende un wawar bare lurde.

1. Rajengro liil 14:26

Un job las ko tselo brawlepen dran o baro Debleskro kheer un dran o baro rajeskro kheer, halauter las lo peha, ninna las lo kol sonakangre shilte, kolla, kai mukas o Salomo te krell.

Jeremia 38:11

Un o Ebed-Melech las kol murshen peha un djas an o baro rajeskro kheer, kote kai i ripja garedo hi, un las kotar phure kotja plachte, un pandas len ap i dori, un mukas len tele pash o Jeremia an koi brunna.

4. Mose 31:22

Ko koowa dran sonakai, rup, lolo saster, saster, zinno un blaio,

3. Mose 19:24

O starto bersh well lauter, hoi kol ruka hidjran, o baro Debleske anlo, te parkrenn tumen pash leste.

4. Mose 31:11

Un jon lan ko tselo tchoredo koowa, un halauter, hoi jon nai lan, menshe un vieche,

4. Mose 31:12

un anan len pash o Moseste un o rashajeste, o Eleasar, un pash i tsele wawar Israelitarja. Kolla his ap pengri platsa pash o pani Jordan an o telstuno them, kai kol Moabarja djiwan, wergel o foro Jericho.

Josua 7:11

O Israel anas bari doosh ap peste! Jon rikran pen gar ap mire laba, hoi lenge penom, te hunte rikrenn le. Un jon lan kolestar, hoi mange his un tchoran les un tchiwan les tchorchanes pash pengro koowa pashel.

1. Familjakro liil 26:27

Dran kowa, hoi anan le pentsa khere dran o kurepen, dan le les, te well o baro Debleskro kheer kerdo.