Josua 4:3 - O Debleskro Drom 2021 (Sinte)

³ un penenn lenge: Hadenn tumenge deesh-te-dui barra pre mashkral dran o Jordan, kote kai i rashajengre herja tardo his. Un lenn len tumentsa un tchiwenn len ap koi platsa, kai atchenn kai rat!”

O Debleskro Lab 2024 (Sinte-Manouche)

³ oun penenn lenge: Hadenn t'menge deesh-te-douy barra pre mashkral dran o Yordan, kote kay i rashayengre herya tardo his. Oun lenn len t'mentsa oun čivenn len ap koy platsa, kay ačenn kay rat!”

Josua 4:3 Referans Kwoze

Josua 4:8

Un kote kran i Israelitarja jaake har o Josua kowa lenge penas, un djan koi un hadan mashkral an o Jordan deesh-te-dui barra pre, jaake har o baro Dewel kowa ap o Josua penas, – jek bar haki bari familjake, hoi well i deesh-te-dui Israeleskre tchawendar. Un jon anan kol barra ap koi platsa, kai pengre plachtene khera tardo hi. Kote tchiwan le i barra tele.

Louka 19:40

Penas o Jesus ap lende: “Me penau tumenge: Jon te rikrenn pengre muja, palle denn i barra gole.”

Debleskri gili 103:2

Miro tselo djijestar sharau o baro Debles, un bistrau gar o latchepen, hoi job mange kras.

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

1. Samuel 7:12

Un o Samuel las i bar un tchiwas les pre mashkral Mizpa un Shen, un das les o lab Eben-Eser, un penas: O tselo drom his o baro Dewel ap mari rig.

Josua 24:27

Un o Josua penas ap i tsele menshende: “Dikenn kau bar! Kawa shunas hako lab, hoi o baro Dewel mentsa rakras. Kau bar hi kate tardo, te dell lo tumen trad, te mukenn gar tumaro Debles.”

1. Mose 28:22

Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

Josua 4:4

Kote das o Josua kol deesh-te-dui murshen gole, kolen job dran i Israelitarja win rodas, jek dran haki bari familja, hoi well kol deesh-te-dui Israeleskre tchawendar.