Josua 4:13 - O Debleskro Drom 2021 (Sinte)

¹³ Jaake 40.000 (star-deesh-serja) lurde djan an o kurepen an o telstuno them pash o foro Jericho. Un o baro Dewel his lentsa.

O Debleskro Lab 2024 (Sinte-Manouche)

¹³ Yaake 40.000 (star-deesh-zerya) lourde djan an o kourepen an o telstouno them pash o foro Yericho. Oun o baro Devel his lentsa.

Josua 4:13 Referans Kwoze

Efesarja 6:11

O beng kamell tumen an peskro wast te lell. Doleske riwenn kol koola ap tumende, hoi dell o Dewel tumende, te atchenn nai soreles tardo an o kurepen o bengeha!

Jeremia 52:8

koi nashan i lurde dran o them Babilonia sik o baro rajeske Zedekja palla. Un jon lan les dren un tapran les an o telstuno them pash o foro Jericho. Un kol tsele kurepangre, kai pash leste his, nashan penge krik.

Jeremia 39:5

I lurde dran Babilonia lan len palla, un tapran o Zedekja an o telstuno them pash o foro Jericho, un pandan les un anan les pash o Nebukadnezar, ko baro rai dran o them Babilonia. Kowa his an o foro Ribla an o them Hamat. Job rakras pral leste i phagi win.

2. Rajengro liil 25:5

Un i lurde dran o them Babilonia lan sik o baro rajeske Zedekja palla. Un jon lan les dren un tapran les an o telstuno them pash o foro Jericho. Un kol tsele kurepangre, kai pash leste his, nashan penge lestar krik, un mukan les.

Josua 5:10

Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

4. Mose 32:17

Palle djah mer khetne mare phralentsa an o kurepen. Mer djah glan lende, bis te anam len an lengro them. An ko tsiro atchenn mare tchawe an kol sorele forja, te krenn lenge kol menshen an kau them tchi.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

Josua 4:12

Un i mursha, kai dran o kheer Ruben un dran o kheer Gad his, un kol paash kolendar dran o kheer Manasse, kolla lan pengre chare pentsa, un djan glan i wawar Israelitarja, jaake har o Mose kowa glan i tsiro ap lende penas.

Josua 4:14

Un ap ko diwes kras o baro Dewel o Josua bares glan i jaka kol tsele menshendar Israel. Un an leskro tselo djipen dikan le pre ap leste, jaake har le kowa ninna o Moseha kran.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.