Josua 3:8 - O Debleskro Drom 2021 (Sinte)

⁸ Tu pen ap i rashaja, kai hidjrenn ko mochton: Te wenn tumer pash o pani Jordan, atchenn an o pani tardo!”

O Debleskro Lab 2024 (Sinte-Manouche)

⁸ Tou pen ap i rashaya, kay hidjrenn ko morhton: Te venn t'mer pash o pani Yordan, ačenn an o pani tardo!”

Josua 3:8 Referans Kwoze

Josua 3:17

Un i rashaja, kai o mochton hidjrenn, kai o Debleskre deesh laba dren hi, kolla atchan tardo mashkral an o pani Jordan ap i phub, hoi his buder gar sapeno, bis te djan i tsele Israelitarja ap i wawar rig.

Josua 3:3

un mukas i menshenge te penell: “Ap ko tsiro, kai dikenn tumer, har hidjrenn i rashaja dran o kheer Levi ko mochton, kai o Debleskre deesh laba dren hi, hoi tumen tumaro baro Dewel das, palle stenn pre, un djan pal o mochton!

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Nehemia 13:28

Un o tchawo o baro rashajestar Eljashib, o Jojada, koles his mursh tchawe, kolendar jek i romjat las, kolakro dad o Sanballat hi dran o foro Bet-Horon. Un koles tradom mandar krik!

Nehemia 13:22

Un me penom ap i Levitarja, te krenn le pen djudjo o Debleske. Palle te wenn le pash o foreskre wudja un denn koi jak, te well o Debleskro diwes dren rikedo. Ninna kawa biste mange gar, miro Dewel. Un dik latches ap mande an tiro baro kamlepen.

2. Familjakro liil 30:12

Un o Debleskro wast his pral o them Juda, te kran le jek djijeha, hoi o baro rai un i pralstune lenge penan, un hoi o baro Dewel lendar kamella.

2. Familjakro liil 29:30

Un o Hiskija un i pralstune penan ap i Levitarja, te sharenn le o baro Debles kol giljentsa, hoi kras o David un o dikepaskro, o Asaf. Un jon giwan bachteles, un witsran pen ap i phub un mangan o baro Debles an.

2. Familjakro liil 29:27

Un o Hiskija penas, te anenn le kanna i marede vieche, kai o Debleske tseles chatchedo wenna, un tchiwenn len ap i chatchepaskri. Un an ko tsiro, kai o mass chatchedo was, giwan i Levitarja o baro Debleske, un i phurdepangre phurdan an pengre bashepangre. Un ninna was bashedo ap i wawar bashepangre, hoi kras o David, ko baro rai pral Israel.

2. Familjakro liil 29:15

Un jon dan pengre phralen khetne gole, un kran pen djudjo o Debleske, un djan an o baro Debleskro kheer, te krenn le les djudjo, jaake har o baro rai les lenge penas, un o baro Dewel les kamas.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Josua 3:7

Un o baro Dewel penas ap o Josua: “Kau diwes krau me tut bares glan i jaka i tsele Israelendar, te haiwenn le: Jaake har homs o Moseha, jaake hom ninna tuha!

Josua 3:9

Un o Josua penas ap i Israelitarja: “Awenn kate! Un shunenn, hoi tumaro baro Dewel tumenge penell:

2. Rajengro liil 2:6

Un o Elija penas ap leste: “Atch tu kai, man bitchras o baro Dewel pash o pani Jordan.” Koi penas job: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un kol dui djan ko drom khetne.

Josua 4:11

Un har i tsele Israelitarja ap i wawar rig his, koi djan ninna kol rashaja ap i wawar rig, kai hidjrenn ko mochton, kai i laba o baro Deblestar dren hi. Un jon djan glan i menshende.