Josua 3:7 - O Debleskro Drom 2021 (Sinte)

⁷ Un o baro Dewel penas ap o Josua: “Kau diwes krau me tut bares glan i jaka i tsele Israelendar, te haiwenn le: Jaake har homs o Moseha, jaake hom ninna tuha!

O Debleskro Lab 2024 (Sinte-Manouche)

⁷ Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

Josua 3:7 Referans Kwoze

Josua 4:14

Un ap ko diwes kras o baro Dewel o Josua bares glan i jaka kol tsele menshendar Israel. Un an leskro tselo djipen dikan le pre ap leste, jaake har le kowa ninna o Moseha kran.

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

1. Familjakro liil 29:25

Un i tsele Israelitarja nai dikan, har kras o baro Dewel, te was o Salomo bareder un bareder. O Salomo was an-diklo un sharedo har kek wawar rai pral Israel glan leste.

Debleskri gili 18:35

Job sikrell man, har mire wasta hunte kurenn pen, un har miri mussi rikrell o sasterno bogo.

Josua 1:17

Jaake har mer ap o Mose shunam, jaake shunah mer ap tute. Mu well o baro Dewel, kai tiro Dewel hi, jaake tuha, har lo o Moseha his!

Hiob 7:17

Hoi hi o mensho, te dikess tu ap leste, har te well lo komone baro? Hoske rissreh tu tiro tselo dji pash leste?

2. Familjakro liil 1:1

Un o Davideskro tchawo, o Salomo, was i sorelo rai. Un o baro Dewel, kai leskro Dewel his, his leha, un kras les baro un bareder.

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Filiparja 1:20

Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.

Josua 3:6

Un ap i rashajende penas lo: “Hadenn o mochton pre, kai o Debleskre deesh laba dren hi! Un djan glan i menshende glan!” Koi hadan le o mochton pre, un djan i menshenge glan win.

Josua 3:8

Tu pen ap i rashaja, kai hidjrenn ko mochton: Te wenn tumer pash o pani Jordan, atchenn an o pani tardo!”

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”