Josua 3:11 - O Debleskro Drom 2021 (Sinte)

¹¹ Dikenn, o mochton, kai i laba o rajestar pral i tseli phub dren hi, djal glan tumende an o pani Jordan.

O Debleskro Lab 2024 (Sinte-Manouche)

¹¹ Dikenn, o morhton, kay i laba o rayestar pral i tseli phoub dren hi, djal glan t'mende an o pani Yordan.

Josua 3:11 Referans Kwoze

Zakarie 6:5

Un o bolepaskro penas: “Kolla hi kol star duche tel o bolepen, kolla his tardo glan o rajeste pral i tseli phub, un wenn kanna win.”

Zakarie 4:14

Koon dikas o ropah tele ap o tikno koowa, kowa dikell bachteles ap o pralstuno bar, har hidjrell les o Serubbabel an peskro wast.

Debleskri gili 24:1

I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Zefanja 2:11

Kanna krell o baro Dewel lenge bari daar, te krell lo i chochene deblen ap i tseli phub paash. Un an hake themma witsrenn pen i menshe glan leste tele, hakeno an peskro them.

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 3:12

Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Hiob 41:11

Dran leskro mui well jag, awa, jagakre kotja denn win karje.

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Debleskri gili 97:5

Jaake har i momeli tele chatchrell, wenna bare berge tikno glan o baro Debleste. Job hi o baro rai pral i tseli phub.

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.