Josua 3:10 - O Debleskro Drom 2021 (Sinte)

¹⁰ Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

O Debleskro Lab 2024 (Sinte-Manouche)

¹⁰ Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

Josua 3:10 Referans Kwoze

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

Hebrearja 10:31

Hawi bari phagi well pral kolende, ap lende o djido Dewel chojedo hi!

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

Josua 22:31

Un o Pinhas, koleskro dad o rashai Eleasar his, penas ap lende: “Kanna djinah, te hi o baro Dewel mashkral mende. Tumer peran gar lestar tele. Un job hunte dell peskre menshen Israel kek phagi.”

5. Mose 31:17

Palle chatchell miri choli pre pral lende, un me mukau len, un wau lenge buder gar ap i rig. Bud djungelo pharo koowa pherdo duka un daar well pral lende. Un jon penenn palle ap ko diwes: ‘Kowa lauter well pral mende doleske, kai maro Dewel buder gar pash mende hi.’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

1. Tessalonikarja 1:9

Jon hi kolla, kai penenn i wawarenge, har lan tumer men pash tumende pre, har mukan tumaro phuro drom, te djan ap o Debleskro drom, un mangenn buder gar wawar koowa an har o djido un tchatcho Debles kokres.

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

5. Mose 5:26

An kek tsiro nai shunas i mensho o rakepen o djido Deblestar dran i jag win, jaake har mer, un atchas djides?

Mateo 16:16

Penas o Simon Petro: “Tu hal o baro rai, kolestar o Dewel penas te well job. Tu hal o tchawo o djido Deblestar.”

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

1. Rajengro liil 22:28

Kote penas o Micha: “Te weh tu sasto pale pale, palle rakras o baro Dewel gar dran miro mui.” Un palle penas lo: “Shunenn kowa, tumer menshe an i tsele themma!”

Josua 21:45

Un jaake was halauter jaake, har o baro Dewel ap o kheer Israel penas. Job rikras peskre tsele latche laba, hoi lo lenge penas.

2. Mose 17:7

Koi platsa, kai i menshe tchingran ap leste un kai jon gar patsan, te hi o baro Dewel pash lende un dell len kowa, hoi len hunte well, koi platsa das o Mose i laba ‘Massa’ un ‘Meriba’.

Johanni 6:69

Mer patsah un djinah, tu weh o Deblestar. O Dewel bitchras tut.”

5. Mose 7:21

Doleske, ma dare lendar! Tumaro baro Dewel hi mashkral tumende, ko baro sorelo Dewel, glan koleste hakenes i daar taprell.

Josua 3:9

Un o Josua penas ap i Israelitarja: “Awenn kate! Un shunenn, hoi tumaro baro Dewel tumenge penell:

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.

1. Samuel 26:6

O David penas ap o Ahimelech, ko Hetari, un ap o Abishai, koleskri dai i Zeruja hi, un koleskro phraal o Joab hi: “Koon kamell mantsa tele ap i platsa pash o Saul te djal?” Un o Abishai penas: “Me djau tuha tele!”

Debleskri gili 42:2

Har i wesheskri busjat bari trush hi pal shila pani, jaake nashell miro dji pal tute miro Dewel.

1. Mose 15:21

i Amorarja un i Kanaanitarja, i Girgasharja un i Jebusarja.”

4. Mose 13:29

An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

Josua 11:3

Ninna bitchras lo murshen pash i Kanaanitarja, kai djiwenn kote, kai o kham pre djala un kote, kai o kham tele djal pash i Amorarja, pash i Hetarja, pash i Perisarja, pash i Jebusarja ap i berge, pash i Hiwarja tele pash i berge Hermon an o them Mizpa.

Josua 12:8

an o pralstuno them, un an o telstuno them, an koi tala, kai o pani Jordan nashell, un an o them, hoi langs o panjeste pre djal, ninna an o diwjo them, un an o mulo them Negev. I menshe, kai kote djiwan, his i Hetarja, i Amorarja, i Kanaanitarja, i Perisarja, i Hiwarja un i Jebusarja.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

1. Familjakro liil 1:14

ninna i Jebusarja, i Amorarja, un i Girgasharja,