Josua 24:33 - O Debleskro Drom 2021 (Sinte)

³³ Ninna o Eleasar, koleskro dad o Aron his, meras un was paskedo an o foro Gibea. Kowa his ko foro, hoi leskro tchaweske, o Pinhas, dino was ap i berge Efrajim.

O Debleskro Lab 2024 (Sinte-Manouche)

³³ Ninna o Elazar, koleskro dad o Aron his, meras oun vas paskedo an o foro Gibea. Kova his ko foro, hoy leskro čaveske, o Pinhas, dino vas ap i berge Efrayim.

Josua 24:33 Referans Kwoze

Josua 22:13

Un jon bitchran i bitchepaskres pash lende an o them Gilead. Kowa his o Pinhas, koleskro dad o rashai Eleasar his.

2. Mose 6:25

O Aroneskro tchawo, o Eleasar, las peske i romni. Kolakro dad his o Putijel. Un joi las i tchawo, o Pinhas. Kal phure dadendar wenna bare familje, jon hi lauter Levitarja.

Hebrearja 7:24

O Jesus atchell o rashai hako tsireske. Job merella gar, un kek wawar well pal leste.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Zakarie 1:5

Tumare phure hi buder gar koi, un mire rakepangre, kai lentsa rakran, djiwenn gar buder.

Debleskri gili 49:10

te nai djiwell lo hako tsiro, un hunte merell gar.

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Josua 14:1

Un kalla hi kol kotja them, hoi i Israelende dino wan an o them Kanaan. O rashai Eleasar un o Josua, koleskro dad o Nun his, khetne kol pralstunentsa pral i bare familjende, jon his kolla, kai dan ko them win, te lell haki familja peskro kotar them.

4. Mose 3:32

O rai pral i tsele pralstunende mank i Levitarja well o Eleasar, ko tchawo o rashajestar Aron, te dell job jak ap kolende, kai budrenn an o Debleskro kheer.

2. Mose 6:23

O Aron las peske i romni: i Elisheba. Lakro dad hi o Amminadab. Un lakro phraal hi o Nachshon. Un joi las tchawe: o Nadab, un o Abihu, o Eleasar un o Itamar.

Čačepangre 17:8

Ko mursh djas win dran o foro Betlehem, te rodell lo i kheer, kai nai atchell lo. Har djas lo jaake ap peskro drom, was lo ap i berge Efrajim pash o kheer, kai o Micha djiwas.

1. Samuel 1:1

His i mursh i menshendar Efrajim. Kowa djiwas an o foro Ramatajim-Zofim an o pralstuno them Efrajim. Leskro lab his Elkana. Koleskro dad his o Jeroham, koleskro dad his o Elihu, koleskro dad his o Tohu, un koleskro dad his o Zuf.

1. Samuel 9:4

Un jon djan an i berge Efrajim un an o tselo them Shalisha, un hatsan len gar. Palle djan le dureder an o them Shaalim – kote his le ninna gar – un dureder an o them Benjamin, un jon hatsan len gar.

2. Samuel 20:21

Pash tumende was i mursh dran i berge Efrajim. Leskro lab hi Sheba, leskro dad hi o Bikri. O Sheba hadas pes ap o baro rajeste David. Denn les kokres win pash mande! Palle mukau o forestar tele.” Koi djuwel penas ap o Joabeste: “Leskro shero well tuke pral i massuri witsedo.”

1. Rajengro liil 4:8

Kolla his kol mursha: O Ben-Hur his o pralstuno pral i berge Efrajim.

2. Rajengro liil 5:22

Job penas: “Awa. Miro rai bitchras man, te penap tuke, te wan kanna pash leste dui Debleskre rakepangre dran kol berge Efrajim. De man lenge trijanda kilogramme rup un dui shukar ripja!”

Čačepangre 18:13

Un kotar djan le dureder ap i berge Efrajim un wan pash o kheer, kai o Micha djiwas.

Esra 7:5

koleskro dad o Abishua, koleskro dad o Pinhas, koleskro dad o Eleasar, koleskro dad o Aron, ko baro rashai.